मार्गदर्शन व प्रवचन:चित्तविवेका जागतिक ध्यान साधना‎ केंद्रात एक दिवसीय शिबिर उत्साहात‎

धम्म मंगलम बहुउद्देशीय‎ संस्थेच्या चित्तविवेका जागतिक ध्यान‎ साधना केंद्र शेलू नजीक व भटोरी येथे‎ ९ एप्रिल रोजी एकदिवसीय ध्यान‎ साधना शिबिर संपन्न झाले. या‎ शिबिरामध्ये नावयाना मॉनेस्ट्री श्रीलंका‎ येथून विनयशील भंते बोधिधर्मन हे‎ मार्गदर्शन व प्रवचन करण्यासाठी आले‎ होते. खरा बुद्धीजम भारतामधून नष्ट‎ होण्याची कारणे समजावत त्यांनी आज‎ धम्माच्या पुनरुज्जीवनासाठी विनय कसे‎ आवश्यक आहे यावर प्रकाश टाकला.‎ भिक्खूंनी आणि उपासकांनी विनय‎ कसे पालन करावे हे अगदी साध्या‎ सोप्या पद्धतीने सविस्तररित्या भंते‎ बोधिधर्मन यांनी उपासकांना‎ समजावले.

प्रत्येक दुःखाचे कारण‎ आसक्ती व तृष्णा आहे. यापासून‎ आपल्याला दैनंदिन जीवनामध्ये कसे‎‎‎‎‎‎‎‎ दूर राहता येईल, याबद्दल सुद्धा भंते‎ यांनी मार्गदर्शन केले. दैनंदिन‎ जीवनामध्ये सतत जागृत राहून आपली‎ सती व प्रज्ञा कशी विकसित करता‎ येईल यावर सुद्धा त्यांनी प्रकाश‎ टाकला. या दिवशी धम्म मंगलम‎ संस्थेच्या चित्त विवेका ध्यानसाधना‎ केंद्राच्या बांधकामास सुरुवात झाली.‎ याप्रसंगी मुंबई, नागपूर, अकोला,‎ चंद्रपूर, गोंदिया, गडचिरोली,‎ औरंगाबाद येथून जवळपास १००‎ साधक उपस्थित होते.‎