आवाहन:राम उत्सव समिती भक्तांना एक लाख रुद्राक्ष वाटणार‎

राम उत्सव समितीच्या वतीने स्थानिक‎ गांधी चौक परिसरात रामनवमीत‎ रामभक्तांना एल लाख अकरा हजार‎ एकशे एक रुद्राक्ष वितरित करून‎ विविध उपक्रमाच्या माध्यमातून हा‎ उत्सव साजरा करणार असल्याची‎ माहिती राम उत्सव समितीच्या वतीने‎ गुरुवारी आयोजित पत्रकार परिषदेत‎ देण्यात आली.‎ गांधी चौक येथील चौपाटी‎ परिसरात ३० मार्चला राम दरबार,‎ अयोध्येचा देखावा. २२ मार्चला‎ गुढीपाडवा उत्सवापासून उपक्रमास‎ प्रारंभ होईल. या दिनी सकाळी १० वा.‎ गांधी चौकात भव्य रुद्राक्ष पूजन‎ सोहळा, नंतर राम उत्सव समितीच्या‎ कार्यालयाचे उद्घाटन होणार आहे.‎ २४ मार्चला महिलांचा गणगौर उत्सव‎ दु. ३ वाजता गणगोर घाट येथे होणार‎ आहे.‎ रविवार, २६ मार्चला गांधी चौक‎ येथील पारंपरिक जागेत भव्य राम‎ दरबार स्थापित करण्यात येणार आहे.‎ ३० मार्चला या रामनवमीच्या दिनी‎ दुपारी १२ वाजता राम जन्मोत्सव.‎ यावेळी बालकांसाठी श्रीराम झाकीची‎ स्पर्धा घेण्यात येणार असून, यात‎ उत्कृष्ट वेशभूषा धारण करणाऱ्या‎ बालकांना आकर्षक पुरस्कार देण्यात‎ येईल. याशिवाय जिल्ह्यातील शहीद‎ झालेल्या सैनिकांच्या स्मृतीत अमर‎ शहीद गॅलरी साकारण्यात येईल.‎

सायंकाळी ७ वाजता गांधी चौकात‎ महाआरती होणार आहे. यात हजारो‎‎‎‎‎‎‎‎‎‎ महिला, पुरुष राम भक्तांची उपस्थिती‎ राहणार असल्याची माहिती देण्यात‎ आली. तसेच ११ वेळा हनुमान‎ चालिसाचे सामूहिक पठण‎ करण्यात येणार आहे.‎ महानगराचे सांस्कृतिक व‎ धार्मिक प्रतीक असणाऱ्या या‎ रामनवमी उत्सवात रामभक्त‎ महिला, पुरुषांनी मोठ्या संख्येने‎‎‎‎‎‎‎‎‎‎ सहभागी होऊन उत्सव समितीच्या‎ विविध उपक्रमाचा लाभ घ्यावा असे‎ आवाहन करण्यात आले. पत्रकार‎ परिषदेला उत्सव समितीचे अध्यक्ष‎ प्रा. डॉ. संतोष हुशे, नितीन‎ खंडेलवाल, महामंत्री भरत मिश्रा,‎ शैलेश खरोटे, महिला संयोजिका‎ सुनीता तिवारीसह पदाधिकारी‎ उपस्थित होते.‎

२१ विविध मंदिरात‎ रुद्राक्ष वाटप‎
उत्सवात महानगरातील २१ विविध‎ मंदिरात २२ ते २९ मार्च दरम्यान रुद्राक्ष‎ वाटप होईल. बडा राम मंदिर, तपे‎ हनुमान, गांधी चौक, राणी सती धाम,‎ श्यामबाबा रामदेव बाबा मंदिर, बारा‎ ज्योर्तिलिंग, जगदंबा माता मंदिर‎ उमरी, सिद्धी विनायक मंदिर, गजानन‎ मंदिर कौलखेड, हनुमान मंदिर‎ शिवणी, झनक गुरू सिंधी कॅम्प,‎ राजराजेश्वर, गजानन मंदिर डाबकी‎ रोड, रेणुका माता मंदिर, डाबकी रोड,‎ सप्तशृंगी माता मंदिर, स्वामी समर्थ‎ मंदिर डाबकी रोड, काळा मारोती‎ मंदिर, पोळा चौक येथे वितरण होईल.‎