पेन्शनर टीचर्स फोरमने केले आवाहन‎:कामासाठी पैशाची मागणी केल्यास‎ सेवानिवृत्त शिक्षकांनी तक्रार करावी‎

कामासाठी पैशाची मागणी केल्यास जिल्हा परिषदेच्या‎ सेवानिवृत्त शिक्षकाने तक्रार करावी, असे आवाहन‎ पेन्शनर टीचर्स फोरमने केले आहे.‎ जिल्हा परिषदेचा सेवानिवृत्त प्राथमिक शिक्षक संघटित‎ नसल्याने त्याला वैयक्तिक सेवाविषयक कामांसाठी‎ वारंवार खिंडीत पकडले जाते. आयुष्यभर शाळांमधून‎ देशाची भावी िपढी घडवणाऱ्या सेवा निवृत्त शिक्षकाला‎ जिल्हा परिषदेमध्ये आपल्या हक्काच्या कामांसाठी‎ वणवण भटकावे लागते, अशी खंत पेन्शनर टीचर्स‎ फोरमने व्यक्त केली आहे.

निवृत्त शिक्षकास साधी‎ सन्मानाची वागणूकही दिली जात नाही. थकूनभागून‎ दुसऱ्या मजल्यावर शिक्षण विभागात आल्यानंतर त्याला‎ क्षणभर बसण्यासाची वेगळी सुविधा नाही.‎ पेन्शनकेस लांबवून सदर शिक्षकाची उपासमार, दमछाक‎ केली जाते, असा आराेप फाेरमने केला आहे.

काही‎ कर्मचाऱ्यांमुळे जिल्हा परिषदेला बदनामीचा कलंक‎ लागला आहे. सेवानिवृत्त प्राथमिक शिक्षकांच्या‎ कोणत्याही अडीअडचणी समस्या इत्यादी असल्यास‎ शिक्षकांनी पेन्शनर्स टीचर्स फोरमकडे लेखी स्वरुपात‎ स्वरूपात सादर कराव्यात, असे आवाहन फोरमतर्फे‎ करण्यात आल्याचे जयंत घाटोळ, ज्ञानदेव शेगोकार,‎ अरुण वाघमारे, रामदास मालोकार, राजेंद्र थारकर,‎ सतीश दोडके, शामराव गोतमारे, रघुनाथ म्हैसने, रमेश‎ काळे, नसीरोद्दीन जहागीरदार, कल्पना बिडवे, हेमंत‎ कुळकर्णी, संतोष महल्ले, श्रीकर लाहे, प्र.भा.दोड, रमेश‎ नालिंदे, संजय महल्ले आदी सेवानिवृत्त शिक्षकांनी‎ कळवले आहे.‎