समस्या:कचरा गाडीच्या मागणीसाठी शिवसेना‎ ठाकरे गटातर्फे मनपात ठिय्या आंदोलन‎

शहरातील विविध प्रभागात नालीतून‎ काढलेला कचरा उचलण्यासाठी‎ असलेल्या दोन चाकी गाड्यांची‎ दुरवस्था झाली आहे. चार महिन्यांपासून‎ या गाड्यांची मागणी करूनही गाड्या‎ उपलब्ध न झाल्याने शुक्रवारी ६‎ जानेवारीला शिवसेना उद्धव ठाकरे‎ गटाच्या वतीने महापालिकेत ठिय्या‎ आंदोलन करण्यात आले. स्वच्छता‎ विभागाने सात दिवसात कचरा वाहून‎ नेणाऱ्या दोन चाकी गाड्यांचा पुरवठा‎ केला जाईल, असे आश्वासन दिल्या‎ नंतर हे ठिय्या आंदोलन मागे घेण्यात‎ आले.‎

प्रभागातील नाल्यांची साफ-सफाई‎ केल्यानंतर नालीतून काढलेला कचरा‎ दोन चाकी गाडीत टाकून गल्लीं बोळातून‎ ट्रॅक्टर मध्ये टाकला जातो, मात्र या दोन‎ चाकी गाड्या खूप जीर्ण झाल्याने या‎ गाड्यांचा वापर करता येत नाही. त्यामुळे‎ नाली साफ केल्यानंतर नालीतील‎ काढलेली घाण व कचरा सर्व्हीस‎‎‎‎‎‎‎‎‎‎‎‎‎‎‎‎‎ गल्लीत तसेच रस्त्यालगत पडलेला‎ आहे. परिणामी डासांचा प्रादुर्भाव‎ वाढल्याने सार्वजनिक आरोग्य धोक्यात‎ आले आहे.

त्यामुळेच शिवसेना ठाकरे‎ गटाच्या वतीने मनपातील अधिकाऱ्यांना‎ तसेच आरोग्य विभागाला दोन चाकी‎ गाड्या पुरवण्याची मागणी केली, या‎ अनुषंगाने चार महिन्यात चार पत्र‎‎‎‎‎‎‎‎‎‎‎‎‎‎‎‎‎ देऊनही दोन चाकी गाड्या‎ प्रशासनाकडून पुरवण्यात आल्या नाही.‎ या गंभीर समस्येकडे प्रशासनाचे लक्ष‎ वेधण्यासाठी शिवसेना ठाकरे गटाचे‎ अकोला पश्चिम प्रमुख राजेश मिश्रा,‎ अकोला पुर्व प्रमुख अतुल पवनीकर‎ यांच्या नेतृत्वात मनपा कार्यालयात ठिय्या‎ आंदोलन करण्यात आले.

या वेळी‎ कार्यकर्त्यांनी विविध घोषणा देऊन‎ महापालिका कार्यालय परिसर दणाणून‎ सोडला. या ठिय्या आंदोलनात माजी‎ नगरसेवक मंगेश काळे, गजानन‎ चव्हाूण, मंजुषा शेळके, अनिता मिश्रा,‎ सुनिल दुर्गिया, रोशन राज, गजानन‎ बोराळे, अनिल परचुरे, रूपेश ढोरे, छोटू‎ दुर्वे, दीपक पांडे, लक्ष्मण पंजाबी, गणेश‎ बुंदेले, आकाश ठाकुर, सुरेश इंगळे, रवी‎ मडावी, विक्कीे ठाकुर, आकाश राऊत,‎ नारायण मानवटकर, विश्वास शिरसाट,‎ रवी अवचार, सुनिता श्रीवास, आशू‎ वानखडे, आशू तिवारी, बाळू चव्हाुण‎ आदींसह कार्यकर्त्यांनी सहभाग घेतला.‎ अन्यथा तीव्र आंदोलन करू ः‎ महापालिका सक्तीने मालमत्ता कर‎ वसुली करीत आहे. सील लावण्याची‎ कारवाई देखील सुरू आहे, मात्र‎ सोई-सुविधांकडे दुर्लक्ष केले जात आहे.‎ दोन चाकी गाड्या सात दिवसात‎ उपलब्ध न झाल्यास तीव्र आंदोलन‎ करण्यात येईल, अशी प्रतिक्रिया‎ अकोला पश्चिम प्रमुख राजेश मिश्रा‎ यांनी व्यक्त केली.‎