चोरी:गॅस कटरने एटीएम कापून‎ साडेसोळा लाख उडवले‎, जरुड येथे एसबीआयच्या एटीएमवर चोरट्यांचा डल्ला‎

वरुड तालुक्यातील जरुड येथे ‎ असलेल्या एसबीआयच्या ‎ एमटीएममध्ये गॅस कटरचा वापर‎ करुन शुक्रवारी (दि. १२) मध्यरात्री‎ ३ वाजेच्या सुमारास मशिन कापली. यावेळी मशिनमध्ये असलेली १६‎ लाख ४५ हजार ५०० रुपयांची रोख ‎ ‎ लंपास करण्यात आली. ही चोरी चोरट्यांनी अवघ्या ८ मिनिटात‎ केली आहे. गॅस कटरचा वापर‎ करुन एटीएममधील रोख‎ उडवण्याची ही जिल्ह्यातील‎ पहिलीच घटना आहे. या घटनेमुळे पोलिसांच्या रात्र गस्तीवर प्रश्नचिन्ह ‎ निर्माण झाला आहे. तसेच‎ एटीएमच्या सुरक्षेच्या मुद्दा पुन्हा‎ एकदा ऐरणीवर आला आहे.‎ जरुड येथे विलास देवराळे यांच्या ‎जागेतील खोलीत एसबीआयने‎ एटीएम लावले आहे. या‎ एमटीएममध्ये कॅश टाकण्याचे‎ तसेच देखभालीचे काम बँकेने एका ‎ खासगी कंपनीला दिले आहेत.‎

दरम्यान, गुरुवारी (दि. ११) दुपारी ३ ‎ ‎ वाजेच्या सुमारास यार एमटीएममध्ये‎ १७ लाख रुपये कॅश टाकण्यात‎ आली होती. दरम्यान मध्यरात्री २‎ वाजून ५६ मिनिटांच्या आसपास ‎ ‎ चेहऱ्याला रुमाल बांधून दोन चोरटे ‎ ‎ एमटीएममध्ये आले. त्यावेळी एका ‎ ‎ चोरट्याने एमटीएममध्ये असलेल्या ‎ ‎ सीसीटीव्ही वर काळा स्प्रे मारला,‎ त्यानंतर दोघांनी गॅस कटरच्या‎ मदतीने अवघ्या ५ ते ६ मिनिटांमध्ये‎ एमटीएममध्ये ज्याठिकाणी रोख‎ राहते, तो भाग कटरने तोडला आणि‎ त्यामधील १६ लाख ४५ हजारांची‎ रोख घेऊन लाल रंगाच्या कारने‎ पोबारा केला. दरम्यान, चोरी होत‎ असतानाच ही माहिती एटीएम‎ कंपनीच्या मुंबईस्थित मुख्य‎ कार्यालयाला मिळाली. त्यांनी‎ तत्काळ ही माहिती या परिसराचे‎ चॅनेल मॅनेजर पवन भोकरे यांना‎ दिली.

पाच पथकांकडून‎ चोरट्यांचा शोध सुरू‎

जरुड येथे तिन चोरट्यांनी अवघ्या‎ आठ मिनीटात एटीएम कापून रोख‎ लंपास केली आहे. हे चोरटे‎ परप्रांतीय असून ते मध्य प्रदेशच्या‎ दिशेने पळाल्याचा अंदाज आहे.‎ त्यामुळे एक पथक मध्य प्रदेशच्या‎ दिशेने तपासात रवाना केले असून,‎ उर्वरित चार पथके त्याच कामात‎ आहे.‎ -तपन कोल्हे, पोलिस निरीक्षक.‎ स्थानिक गुन्हे शाखा.‎