उपक्रम:प्रभात’मध्ये विद्यार्थी, विद्यार्थिंनींनी‎ अनुभवली मराठी भाषेची समृद्धी‎

मराठी भाषा समृद्ध असून साहित्य,‎ लोकसंस्कृती आणि विविध बोलींनी‎ मराठीची व्याप्ती बृहद झाली आहे.‎ मराठी भाषा आणि लोप पावत‎ असलेल्या मराठी लोकसंस्कृतीची‎ विद्यार्थ्यांना ओळख व्हावी या हेतुने‎ प्रभात किड्स स्कूलच्या मराठी‎ विभागाद्वारे मराठी भाषा संवर्धन‎ पंधरवड्याचे आयोजन करण्यात‎ आले. या पंधरवड्यात विविध‎ उद्बोधन वर्ग, कार्यशाळा,‎ शब्द-व्याकरण प्रदर्शन, नाट्य,‎ पोवाडा, भारूड, कविता सादरीकरण,‎ गायन आणि नृत्यातून मराठी भाषेची‎ समृद्धी विद्यार्थ्यांनी अनुभवली.

या‎ मराठी भाषा पंधरवड्याची सांगता‎ पुरस्कार वितरण सोहळ्याने झाली.‎ मराठीभाषा पंधरवडा कार्यक्रमाचा‎ उद्घाटन सोहळा गझल नवाज‎ भिमराव पांचाळे यांच्या उपस्थितीत‎ झाला. कार्यक्रमाच्या अध्यक्षस्थानी‎ प्रभातचे संचालक डॉ. गजानन नारे‎ होते तर संचालिका सौ. वंदना नारे,‎ सचिव निरज आवंडेकर, प्राचार्य‎ वृषाली वाघमारे, उपप्राचार्य अर्चना‎ बेलसरे, समन्वयक मो. आसिफ, प्रा.‎ डॉ. सुहास उगले, डॉ. विनय दांदळे‎ प्रामुख्याने उपस्थित होते. ''माय मराठी‎ भरजरी, असा हा उत्सव जरतारी''‎ मराठी भाषा पंधरवड्याअंतर्गत‎ सोहळ्याचे उद्घाटन मान्यवरांच्या‎ हस्ते दिपप्रज्ज्वलनाने झाली. तसेच‎ यावेळी वाड़मयपेटीचे विमोचन‎ करण्यात आले. या कार्यक्रमात मराठी‎ विभागाच्या तब्बल २३० विद्यार्थ्यांनी‎ नाट्य, लोकनाट्य, कविता‎ सादरीकरण, गायन,‎ समाजप्रबोधनात्मक भारुड आणि‎ नृत्यातून मराठी भाषेची समृद्धी व्यक्त‎ केली. तत्पूर्वी छत्रपती शिवरायांच्या‎ जीवनातील प्रेरक प्रसंगावर पोवाडा‎ अभिनयासह सादर करण्यात आला.‎

‎‎‎‎‎‎‎‎‎‎‎‎‎‎‎‎‎‎‎‎‎‎ भजन, अभंग, भारूड, कीर्तन,‎ लावणी, पोवाडा, गवळण, लोकगीत,‎ लोकनृत्य, कविता, नाटक, प्रबोधन‎ सादर करून मराठी भाषेतील विविध‎ कला अविष्कार सादर केले.‎ कार्यक्रमाच्या यशस्वीतेसाठी मराठी‎ विभागाचे शिक्षक तथा शिक्षकेतर‎ कर्मचार्यांनी प्रयत्न केले. कार्यक्रमाच्या‎ यशस्वीतेसाठी मराठी विभागप्रमुख‎ चंद्रकांत पोरे, उप-विभागप्रमुख‎ अनुराधा माहोरे, आनंद जोशी, अरुणा‎ वाघमारे, कविता कोल्हाळे, कविता‎ विखे, वर्षा दांडगे, रोहित हिवरकर,‎ दीपाली पोरे, संतोष गायगोले, कला‎ विभागाचे प्रमुख दिनेश पाटील, विजय‎ वाहोकार, नृत्य विभागाच्या श्रुती गोरे‎ यांच्यासह ‘प्रभात’च्या शिक्षक तथा‎ शिक्षकेतर कर्मचार्‍यांनी कार्यक्रमाच्या‎ यशस्वीतेसाठी प्रयत्न केले.‎

भाषा प्रदर्शनातून विविध‎ मान्यवरांनी केले मार्गदर्शन ः‎ मराठी भाषा संवर्धन पंधरवडा‎‎‎‎‎‎‎‎‎‎‎‎‎‎‎‎‎‎‎‎‎‎‎ निमित्ताने साहित्यिक आपल्या भेटीला‎ या कार्यक्रमाचे आयोजन करण्यात‎ आले होते. त्यामध्ये विद्यार्थ्यासाठी‎ कविवर्य किशोर बळी यांची मुलाखत‎ घेण्यात आली. कविवर्य किशोर बळी‎ यांनी विद्यार्थ्यांना कविता लेखनाबाबत‎ मार्गदर्शन केले. त्यावेळी किशोर बळी‎ लिखित ''गुरु आयोनी लडका'' या‎ कादंबरीसाठी प्रभात किड्स स्कूल चे‎ संस्थापक अध्यक्ष डॉ गजानन नारे‎ यांच्या हस्ते किशोर बळी यांचा हृद्य‎ सत्कार केला. तसेच ''आदर्श वाचन‎ पद्धती'' या विषयावर ज्येष्ठ लेखिका‎ आणि आकाशवाणी निवेदिका सीमा‎ शेटे-रोठे यांनी विद्यार्थ्यांना सखोल‎ मार्गदर्शन केले. तसेच विद्यार्थ्यांसाठी‎ निबंध लेखन कार्यशाळा आयोजित‎ करण्यात आली होती. या कार्यशाळेस‎ मराठी भाषेचे ज्येष्ठ अभ्यासक प्रा.‎ डॉ. सुहास उगले यांनी मार्गदर्शन‎ केलेस अशी माहिती कळवण्यात‎ आली आहे.‎