औषधाेपचारासाठी सहकार्य:श्रमिक पत्रकार संघातर्फे‎ आरोग्य तपासणी शिबिर‎

मराठी पत्रकार दिनानिमित्त श्रमिक‎ पत्रकार संघातर्फे शुक्रवारी ६‎ जानेवारीला जि.प. कर्मचारी‎ भवनात पत्रकारांसाठी आरोग्य‎ तपासणी शिबिराचे आयोजन‎ केले होते.‎ जिल्हा शल्य चिकित्सक‎ कार्यालयाच्या सहकार्याने आयोजित‎ शिबिराला पत्रकार बांधवांनी‎ उत्स्फूर्त प्रतिसाद दिला. शिबिराच्या‎ प्रारंभी जिल्हा शल्य चिकित्सक डॉ.‎ तरंगतुषार वारे, पत्रकार संघाचे‎ ज्येष्ठ मार्गदर्शक महेंद्र कविश्वर व‎ इतर वैद्यकीय अधिकारी व‎ कर्मचाऱ्यांच्या हस्ते पहिले मराठी‎ वृत्त पत्रकार व दपर्णकार आचार्य‎ बाळशास्त्री जांभेकर यांच्या‎ प्रतिमेला हारार्पण करून अभिवादन‎ केले.

वैद्यकीय चमूंचे स्वागत महेंद्र‎ कविश्वर यांनी तर डॉ. तरंगतुषार‎ वारे यांचे स्वागत पत्रकार संघाचे‎ उपाध्यक्ष राजेश शेगाेकार‎ यांनी केले.‎ डॉ. अदिती पिंपळे यांनी तंबाखुच्या‎ सेवनामुळे कर्करोगाचा धोका आणि‎ त्यापासून बचावासाठी करावयाच्या‎ उपाययोजना याविषयी मार्गदर्शन‎ केले. सूत्रसंचालन विशालराजे बोरे‎ यांनी केले.‎

या केल्या तपासण्या ः‎ जिल्हा शल्य चिकित्सक‎ कार्यालयातील वैद्यकीय अधिकारी‎ व कर्मचाऱ्यांनी पत्रकारांची वैद्यकीय‎ तपासणी केली. त्यात रक्तदाब,‎ मधुमेह, दंत तपासणी, मुखकर्करोग,‎ नेत्र तपासणी केली. शिबिरात डॉ.‎ राम बिहाडे, डॉ. अदिती पिंपळे, डॉ.‎ ए.आर. रहमान, डॉ. आर.ए. सैय्यद,‎ राष्ट्रीय तंबाखू नियंत्रण कार्यक्रम‎ जिल्हा समुपदेशक धम्मसेन‎ शिरसाट, जे.बी. अवघड, सोपान‎ अंधारे, राधिका जाधव यांचे‎ सहकार्य लाभले.‎ संतुलित आहार घ्या ः डॉ.‎ तरंगतुषार वारे यांनी पत्रकारांना‎ आरोग्यविषयक मार्गदर्शन केले.‎ धकाधकीच्या जीवनामुळे‎ प्रत्येकाच्या जीवनात ताणतणाव‎ वाढला आहे. ही स्थिती आजारांना‎ निमंत्रण देणारी ठरत आहे. यापासून‎ दूर राहण्यासाठी संतुलित आहार,‎ नियमित व्यायाम करा. तणावमुक्त‎ जीवन जगण्याचा सल्ला डॉ. वारे‎ यांनी दिला. अाैषधाेपचारासाठी‎ सहकार्य करणार असल्याचे‎ अाश्वासनही त्यांनी या वेळी दिले.‎