चौकशी:घरफोडीतील आरोपीला पकडले,‎ खदान पोलिसांनी केली कारवाई‎

घरातून दागिने चोरून नेणाऱ्या‎ आरोपीला खदान पोलिसांनी गुन्हा‎ दाखल झाल्यानंतर दुसऱ्याच‎ दिवशी पकडले. या आरोपीने‎ गुन्ह्याची कबुली दिली असून,‎ पोलिसांनी त्याच्याकडून एक लाख‎ ८ हजार ३६० रूपयांचा मुद्देमाल‎ जप्त केला आहे. ही कारवाई‎ पोलिसांनी बुधवारी केली.‎ मितेश अमर गिरी (वय १९ रा.‎ गवळी मंगल कार्यालयासमोर‎ मलकापूर) असे अटक करण्यात‎ आलेल्या आरोपीचे नाव आहे.‎ खडकी येथील कोठारी वाटिकेतील‎ रहिवासी शितल प्रल्हाद पाखरे या‎ ३० मार्च रोजी रात्री साडेआठ‎ वाजताच्या सुमारास गणपती‎ मंदिरात देवदर्शनासाठी कुटुंबासह‎ गेल्या होत्या. त्या रात्री ११ वाजता‎ परत आल्यानंतर त्यांच्या घरातून‎ ६३ हजार ९०० रूपयांचे दागिने‎ चोरीला गेल्याचे त्यांना दिसून‎ आले.

या प्रकरणी पोलिसांनी‎ त्यांच्या तक्रारीवरून ४ एप्रिल‎ २०२३ रोजी चोरीचा गुन्हा दाखल‎ केला होता. त्यानंतर ठाणेदार श्रीरंग‎ सनस यांनी गुन्हा उघडकीस‎ आणण्यासाठी डीबी पथकातील‎ कर्मचाऱ्यांना सूचना केल्या होत्या.‎ त्यानुसार पोलिसांनी संशयावरून‎ आरोपी मितेश अमर गिरी याला‎ ताब्यात घेतले. त्याची कसून‎ चौकशी केली असता त्याने गुन्हा‎ केल्याचे कबूल केले.‎ पोलिसांनी त्याच्याकडून‎ सोन्याचे दागिने व दुचाकी जप्त‎ केली. ही कारवाई पोलिस‎ अधीक्षक संदीप घुगे यांच्या‎ मार्गदर्शनाखाली पोलिस निरीक्षक‎ श्रीरंग सनस, पोलिस उपनिरीक्षक‎ रवींद्र धुळे व पोलिस अंमलदार‎ विजय चव्हाण, डिंगबर अखरराव,‎ नितीन मगर, रविराज डाबेराव,‎ संदीप ताले यांनी केली.‎