आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पोलिसांच्या प्रसंगावधानाने अनर्थ टळला:रेल्वेच्या खालून येणाऱ्या बालकाचा जीव वाचला

अकोला2 महिन्यांपूर्वी
  • कॉपी लिंक

सोमवारी रेल्वे स्थानकावर शालीमार एक्सप्रेसमधून एक चार वर्षीय बालक आईवडिलांसह प्लॅटफॉर्मवर न उतरता विरुद्धबाजूने खाली उतरला. अचानक हा बालक रेल्वेच्या खालून प्लॅटफॉर्मकडे येवू लागला. इतक्यात गाडी सुरु झाली. मात्र प्रसंगावधान राखत गस्तीवर असलेल्या रेल्वे पोलिसांनी त्याला रेल्वे खालून वर ओढले व त्या बालकाचा जीव वाचला.

५ डिसेंबर रोजी रात्री १० वाजताच्या सुमारास अकोला स्थानकावर शालीमार एक्सप्रेस ही प्लॅटफॉर्म क्र. १ वर येवून थांबली. याच गाडीतून एक दिव्यांग हा पत्नी, चार वर्षाच्या लहान मुलासह प्लॅटफॉर्मवर न उतरता विरुद्ध बाजूने खाली रेल्वे ट्रॅकवर उतरले होते.

ही रेल्वे पुढील स्थानकाकडे निघण्यासाठी तयार असताना त्यांचा लहान ४ वर्षांचा मुलगा अचानक रेल्वेच्या खालून प्लॅटफॉर्मकडे येवू लागला. त्याचवेळी प्लॅटफॉर्मवर गस्तीवर असलेले पोलिस दिलीप जाधव व गोपाल सोळंके यांनी प्रसंगावधान दाखवून, या लहान बालकाला प्लॅटफॉर्मवर खेचले. त्यानंतर अवघ्या १० सेकंदात रेल्वे पुढील स्थानकासाठी रवाना झाली.

बातम्या आणखी आहेत...