आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

‎ एटीएम फोडून लाखोंची चोरी:महामार्गावरील सीसीटीव्हीच्या‎ फुटेजवरून चोरांचा शोध सुरू‎

अकाेला23 दिवसांपूर्वी
  • कॉपी लिंक

केशवनगर रिंग रोडवरील काळे ‎ ‎ मार्केटमधील एटीएमवर गुरुवारी पहाटे चौघांनी ‎ ‎ एटीएम फोडून लाखोंची चोरी केली होती. ही‎ चोरी करणारे चोरटे ज्या गाडीने अकोल्यात‎ आले होते, त्या गाडीचा सीसीटीव्ही कॅमेऱ्यांच्या‎ फुटेजवरून शाेध घेत पोलिस चोरट्यांपर्यंत‎ पोहोचण्याचा प्रयत्न करीत आहेत. मात्र,‎ पोलिसांना सुगावा लागलेला नाही.‎

एटीएमला लक्ष करीत गॅस कटरने कॅश बॉक्स‎ कापून चोरट्यांनी रिंगरोडवरील स्टेट बँक ऑफ‎ इंडियाच्या एटीएममधून १६ लाख ५४ हजार‎ लंपास केले होते. पहाटे ३ वाजताच्या सुमारास‎ एटीएममध्ये तोंडावर काळे कापड बांधून‎ शिरलेल्या चौघांनी सीसीटिव्हीची तोडफोड‎ ‎केली. त्यानंतर गॅस कटरच्या मदतीने एटीएमचा‎ कॅश बॉक्स कापून रोख रक्कम लंपास केली.‎

पोलिस तपासातील प्राथमिक माहितीनुसार चार‎ चोरांनी ही रक्कम चोरल्याचे दिसत आहे.‎ त्यासाठी त्यांनी वापरलेल्या कारचा शाेध पोलिस‎ घेत आहे. सीसीटीव्ही कॅमेऱ्यांच्या फुटेजवरून‎ हा तपास केला जात असल्याचे पोलिसांनी‎ सांगितले. तपासात प्रगती असून, चोरटे जेरबंद‎ होतील, असा विश्वास खदान स्टेशनचे पोलिस‎ निरीक्षक श्रीरंग सनस यांनी व्यक्त केला.‎‎

गाडीचा नंबर शोधण्याचा प्रयत्न‎
रात्रीची वेळ असल्याने सीसीटीव्ही कॅमेऱ्यांच्या‎ फुटेजमध्ये चोरट्यांच्या कारचा क्रमांक स्पष्ट‎ दिसून आला नाही. त्यामुळे पोलिसांना तपासात‎ अडचणी येत आहे. त्यासाठी स्पष्ट फुटेज‎ मिळवण्याचा प्रयत्न पोलिस करीत आहेत.‎

बातम्या आणखी आहेत...