शिवजयंती:शिवजयंतीनिमित्त आजपासून तीन दिवस उत्सव‎

‎ हिंदवी स्वराज्याचे संस्थापक,अखंड‎ हिंदुस्तानचे आराध्यदैवत छत्रपती‎ शिवाजीराजे भोसले यांची तिथीनुसार‎ जयंती १० मार्च रोजी साजरी हाेणार‎ आहे. डाबकी रोड परिसरात जय‎ बाभळेश्वर सार्वजनिक शिवजयंती‎ समिती तथा डाबकी राेडवासी यांच्या‎ वतीने आयोजित करण्यात आलेल्या‎ शिवजयंती उत्सवात यंदा १०० फूट लांब‎ व ५० फुट उंच भव्यदिव्य शिवनेरी‎ किल्ल्याची प्रतिकृती उभारण्यात आली आहे. जुने शहरातील जय बाभळेश्वर‎ सार्वजनिक शिवजयंती समितीतर्फे यंदा शिवनेरी किल्ल्याचे‎ निर्माण करण्यात आले आहे. यावर्षी प्रथमच तीन दिवसीय‎ सोहळ्यात विविध सामाजिक उपक्रमांचे आयोजन करण्यात‎ आले आहे. यात गुरुवारी सायंकाळी ५ वाजता रांगोळी‎ स्पर्धा, चित्रकला स्पर्धा पार पडणार असून, स्वातंत्र्यवीर‎ विनायक दामोदर सावरकर स्मारक नूतनीकरणाचा‎ लोकार्पण सोहळा राष्ट्रीय स्वयंसेवक संघाचे महानगर‎ संघचालक गोपालजी खंडेलवाल यांच्या हस्ते पार पडणार‎ आहे. रात्री ८ वाजता बालगायिका नेहल ठाकूर व त्यांच्या‎ चमुच्यावतीने स्वरसंध्या कार्यक्रमात पोवाडे, भावगीत,‎ भक्तीगीते सादर केल्या जातील.‎

शिवव्याख्यानाचे आयोजन : शनिवार, ११ मार्च रोजी‎ सायंकाळी साडेसहा वाजता प्रा.सतीष फडके यांचे‎ शिवव्याख्यान आयोजित केले आहे. सायंकाळी साडेसात‎ वाजता प्रतापगडावरील अफजलखान वधाचा प्रसंग‎ बालकलाकारांच्या वतीने सादर केला जाणार आहे. रात्री ८‎ वाजता भाजपचे प्रदेश सरचिटणीस तथा आमदार रणधीर‎ सावरकर, विधान परिषद सदस्य वसंत खंडेलवाल,‎ शिवसेनेचे जिल्हाप्रमुख तथा आमदार नितीन देशमुख,‎ आमदार प्रकाश भारसाकडे यांच्या हस्ते बक्षीस वितरण‎ करण्यात येईल.‎

राजे लखुजीराव जाधव यांचे वंशज‎ करणार शिवपूजन : राजमाता माँसाहेब जिजाऊ यांचे‎ वडील राजे लखुजीराव जाधव यांचे वंशज शिवाजी राजे‎ जाधव यांच्या हस्ते सायंकाळी सहा वाजता जय बाभळेश्वर‎ मंदिराच्या प्रांगणात उभारलेल्या शिवनेरी किल्ल्यावर‎ शिवपूजन केले जाणार आहे. विशेष अतिथी म्हणून जिल्हा‎ पोलीस अधीक्षक संदीप घुगे यांची उपस्थिती राहणार आहे.‎ शोभायात्रेचा समारोप रात्री दहा वाजता शिवचरणपेठ स्थित‎ छत्रपती शिवाजी महाराज यांच्या पुतळ्याजवळ केला‎ जाईल. अशीही मेजवानी : ९ ते ११ मार्च पर्यंत ऐतिहासिक‎ व पौराणिक पुस्तकांचे स्टॉल, शिवरायांच्या प्रतिमा तसेच‎ फोटो फ्रेम, पूजेचे साहित्य, शिवप्रेमींसाठी खाऊगल्ली तसेच‎ चिमुकल्या मुलांसाठी विविध प्रकारची खेळणी आणली‎ जाणार आहेत.

शिवनेरी किल्ल्यावरील माती :‎ किल्ल्यावर शिवरायांचा जन्म झाला. त्या मातीत ते खेळले‎ बागडले, रायरेश्वराच्या साक्षीने वयाच्या अवघ्या पंधराव्या‎ वर्षी हिंदवी स्वराज्य निर्मितीची शपथ घेतली. अशा शिवनेरी‎ किल्ल्यावरील पवित्र माती तसेच राजधानी रायगडावर‎ शिवछत्रपती म्हणून स्वराज्याभिषेक केला, जगदीश्वराच्या‎ मंदिरासमोर देह ठेवला अशा रायगडावरील व राजमाता‎ माँसाहेब जिजाऊ यांचे समाधी स्थळ असलेल्या पाचाड‎ येथील पवित्र माती शिवप्रेमींच्या दर्शनासाठी ठेवली जाणार‎ आहे.‎

डाबकी रोड परिसरात साकारली शिवनेरी किल्ल्याची प्रतिकृती : जय बाभळेश्वर‎ सार्वजनिक शिवजयंती समितीच्या वतीने शिवजयंती उत्सव आयोजित करण्यात आला‎ आहे. यंदा शिवजयंती उत्सवात १०० फूट लांब व ५० फूट उंच भव्यदिव्य शिवनेरी‎ किल्ल्याची प्रतिकृती उभारण्यात आली आहे.‎