मोहीम:टिळक राष्ट्रीय शाळेत स्वच्छता अभियान‎

सामाजिक सेवेत सदा अग्रेसर असलेल्या‎ डॉ. नानासाहेब धर्माधिकारी प्रतिष्ठानच्या वतीने १ मार्च‎ दिनी राज्यात सर्वदूर महा स्वच्छता अभियान‎ राबवण्यात आले. या अनुषंगाने स्थानिक मोठ्या उमरी‎ परिसरातील टिळक राष्ट्रीय शाळा परिसरात स्वच्छता‎ मोहीम राबवण्यात आली. ही मोहीम राज्यपाल नियुक्त‎ स्वच्छता दूत डॉ. नानासाहेब धर्माधिकारी प्रतिष्ठानचे‎ अध्यक्ष पद्मश्री डॉ. अप्पासाहेब धर्माधिकारी व डॉ.‎ सचिन धर्माधिकारी यांच्या मार्गदर्शनात राबवण्यात‎ आली.

प्रतिष्ठान गेल्या अनेक वर्षापासून व्यापक‎ स्वरूपात स्वच्छता अभियान राबवत असून,‎ प्रतिष्ठानच्या १६ नोव्हेंबर २०१४ च्या व्यापक स्वच्छता‎ अभियानाची नोंद ‘लिमका बुक ऑफ रेकॉर्ड’मध्ये‎ झाली आहे. टिळक राष्ट्रीय शाळेत संपन्न झालेल्या या‎ स्वच्छता अभियानात तब्बल दोनशे सदस्यांनी सहभाग‎ घेत परिसरातील कचरा संकलित केला.‎