स्वाक्षरी मोहीम:मलकापुरातील जड वाहनांची वाहतूक बंद करावी‎

जड वाहनामुळे होणाऱ्या‎ जीवघेण्या अपघाताची मालिका लक्षात‎ ‎ घेता मलकापूर‎ ‎ परिसरातील‎ ‎ दिवसाची जड‎ ‎ वाहतूक बंद‎ ‎ करावी, या प्रमुख‎ ‎ मागण्यांसह इतर‎ मागण्यांसाठी मलकापूर परिसरातील‎ नागरिकांनी स्वाक्षरी मोहीम राबवली. त्या‎ स्वाक्षऱ्यांचे पत्र वंचित बहुजन आघाडीचे‎ पदाधिकारी, सामाजिक कार्यकर्ते पराग‎ गवई यांच्या नेतृत्वात जिल्हाधिकारी,‎ पोलिस प्रशासनाला दिले आहे.‎ काही दिवसांपूर्वी मलकापूर परिसरात‎ टिपरच्या धडकेत शाळकरी मुलाचा मृत्यू‎ झाला होता. या परिसरातील दिवसभर सुरु‎ असलेली जड वाहतूक ही नागरिकांच्या‎ जीवावर उठली आहे.

ती बंद करून रात्री‎ दहा वाजतानंतरच सुरु करावी, ही वाहतूक‎ पर्यायी रस्ता येवता रेल्वे गेट एमआयडीसी‎ येवता रोड मार्गे वळवण्यात यावी,‎ मलकापूर शाळा परिसरात व मलकापूर‎ हायवेच्या पुलाजवळ गतिरोधक‎ बसवण्यात यावे, राष्ट्रीय महामार्ग हायवे‎ जवळील पर्यायी रस्त्याचे त्वरीत‎ डांबरीकरण करण्यात यावे, जड वाहनांना‎ रात्री १० नंतरच मलकापूर परिसरातून‎ परवानगी देण्यात यावी, संत तुकाराम चौक‎ ते कोठारी खदान पर्यंत रस्त्याचे‎ डांबरीकरण करावे, खनिकर्म निधी‎ अंतर्गत हा रस्ता करावा, शहरातील‎ विविध चौकात बंद पडलेले सिग्नल‎ लावावे, अशा मागण्यांचे नागरिकांच्या‎ सह्याचे निवेदन जिल्हाधिकारी,‎ सार्वजनिक बांधकाम विभाग, पोलिस‎ प्रशासन, आरटीओ यांना दिले आहे. या‎ निवेदनावर उचित कारवाई न झाल्यास‎ लोकशाही मार्गाने आंदोलन करण्यात‎ येईल, असा इशारा वंचित बहुजन‎ आघाडीचे पदाधिकारी, सामाजिक‎ कार्यकर्ते पराग गवई यांनी दिला आहे.