कारवाई:थकीत मालमत्ता कराचा भरणा न‎ केल्याने दोन मालमत्ता सील‎

थकीत मालमत्ता कराचा भरणा न‎ केल्याने मनपा मालमत्ता कर‎ विभागाने मनपाच्या उत्तर‎ झोनमधील दोन मालमत्ता सील‎ केल्या. दरम्यान थकीत कराचा‎ भरणा नागरिकांनी करावा, असे‎ आवाहन प्रशासनाने केले.‎ आर्थिक वर्ष संपुष्टात येत‎ असताना कोट्यवधी रुपयांच्या कर‎ वसुलीचे आव्हान मनपासमोर उभे‎ ठाकले आहे. त्यामुळे थकीत तसेच‎ चालू आर्थिक वर्षातील मालमत्ता‎ कर वसुलीकडे लक्ष केंद्रित केले‎ आहे. यासाठीच थकीत कराचा‎ भरणा न करणाऱ्या मालमत्ता‎ धारकांच्या मालमत्ता सील‎ करण्याची कारवाई मोठ्या प्रमाणात‎ सुरू आहे.

उत्तर क्षेत्रातील खेतान‎ जीन, जुना कॉटन मार्केट येथील‎ वाॅर्ड क्र. सी-३ मालमत्ता क्र. १७११‎ धारक शकीला खातून हाजी‎ सलालोद्दीन व मो. रिजवान पिता‎ हाजी सलालोद्दीन यांच्याकडे सन‎ २०१७-१८ ते आजपर्यंतचा १ लाख‎ १७७४६ रुपये तसेच उत्सव संकुल,‎‎‎‎‎‎‎‎‎‎‎‎‎‎ गिरीराज पॅलेस, गांधी रोड येथील‎ वाॅर्ड क्र. सी-१ मालमत्ता क्र. ८९२‎ धारक श्रीकांत मालोकार यांच्याकडे‎ सन २०१८-१९ ते आजपर्यंतचा ४‎ लाख ६८०४४ रुपयांचा मालमत्ता‎ कर थकीत होता. वारंवार सूचना‎ करूनही थकीत मालमत्ता कराचा‎ भरणा न केल्याने अखेर या दोन्ही‎ मालमत्तांना सील लावले.

ही‎ कारवाई आयुक्‍त तथा प्रशासक‎ कविता द्विवेदी यांच्‍या आदेशान्‍वये‎ आणि कर अधीक्षक विजय‎ पारतवार यांच्‍या मार्गदर्शनात क्षेत्रीय‎ अधिकारी विठ्ठल देवकते यांच्‍यासह‎‎‎‎‎‎‎‎‎‎‎‎‎‎ सहायक कर अधीक्षक हेमंत‎ शेळवणे, दिलावर खान, संदीप‎ जाधव, राजेश शिरसाट, चंदू मुळे,‎ सुरक्षारक्षक जय गेडाम, प्रवीण‎ पाचपोर, मो. अजहर आदींनी‎ केली. थकीत मालमत्ता करावर‎ दरमहा दोन टक्के यानुसार व्याज‎ आकारले जाते. त्यामुळे ज्या‎ नागरिकांकडे मालमत्ता कर थकीत‎ आहे. त्यांनी आपल्या थकीत‎ कराचा भरणा करून जप्तीची‎ अप्रिय कारवाई टाळावी, असे‎ आवाहन महापालिका प्रशासनाने‎ केले आहे.‎