गुन्हा:आयपीएलवर सट्टा लावणारे दोघे‎ जेरबंद; 71 हजारांचा मुद्देमाल जप्त‎

गुन्हे शाखेला अनसिंग येथील बसस्थानक चौक‎ व माळी वेटाळ या दोन ठिकाणी काही जण‎ मोबाईलच्या सहाय्याने आरसीबी विरुद्ध‎ एलएसजी या सामन्यातील प्रत्येक रन, बॉलिंग व‎ बॅटिंगवर पैसे लावून सट्टा लावत असल्याची‎ माहिती मिळाली हाेती. या माहितीवरून गुन्हे‎ शाखेच्या पथकाने अनसिंग बसस्थानक चौकात‎ छापा टाकला असता एक जण क्रिकेट‎ सामन्यावर सट्टा लावत असल्याचे निदर्शनास‎ आले. पाेलिसांनी एकाला ताब्यात घेत मोबाईल,‎ टीव्ही संच असा ३१ हजारांचा मुद्देमाल जप्त‎ केला.‎

पथकाने अनसिंग शहरातील माळी वेटाळ येथे‎ ही छापा टाकून मोबाईल फोन व टीव्ही संच,‎ असा ४० हजारांच्या मुद्देमालासह दोघांना ताब्यात‎ घेतले. त्यांच्याविरुद्ध अनसिंग पाेलिस ठाण्यात‎ गुन्हा दाखल करण्यात आला. ही कारवाई‎‎‎‎‎‎‎‎‎‎‎‎‎‎ पाेलिस निरीक्षक सोमनाथ जाधव, पाेलिस‎ उपनिरीक्षक शब्बीर पठाण, पाेलिस हवालदार‎ किशोर चिंचोळकर, दीपक सोनवणे, पोलिस‎ नाईक अमाेल इंगोले, प्रवीण राऊत, गजानन‎ गोटे, रेश्मा ठाकरे, संतोष शेणकुडे, शुभम चौधरी‎ व रमेश जामकर यांच्या पथकाने केली.‎