बेकायदेशीर‎ वाहतूक:ट्रॅव्हल्सकडून नियमांची पायमल्ली;‎ कारवाईसाठी उपोषण सुरू‎

वणी - यवतमाळ रोडवर बिनधास्त मोटार‎ वाहन कायद्याची पायमल्ली करीत धावणाऱ्या‎ प्रवासी ट्रॅव्हल्सवर कारवाई करा, या‎ मागणीसाठी नवाज शरीफ कादिर शरीफ या‎ तरुणाने दि. ४ एप्रिलपासून उपोषण सुरु केले‎ आहे. . आता हे आंदोलन तीव्र होत आहे.‎ यासाठी अनेक जण रस्त्यावर उतरण्याच्या‎ तयारीत असून राजकीय पक्षांसह सामाजिक‎ संघटना ही या आंदोलनात सहभागी होणार‎ आहे. त्यामुळे हे आंदोलन चिघळण्याची भीती‎ व्यक्त होत आहे.‎ गेल्या अनेक वर्षांपासून या मार्गावर‎ प्रशासनाच्या नाकावर टिच्चून बेकायदेशीर ही‎ वाहतूक सुरू आहे.

परंतु या ट्रॅव्हल चालकावर‎ कार्यवाही होत नव्हती. ही बेकायदा वाहतूक बंद‎ करा अशी मागणी जोर धरत होती. या‎ सामाजिक हिताची दखल घेत शहरातील‎ मुस्लिम तरुण नवाज शरीफ हा पवित्र रमजान‎ महिन्यातील रोजा करीत ४ एप्रिलपासून‎ उपोषणाला बसला आहे. आ. बोदकुरावर यांनी‎ उपोषण मंडपाला भेट देत कार्यवाही‎ करण्याचे आदेश पोलिस व परिवहन‎ विभागाला दिले. तरीही ही वाहतूक सुरू आहे.‎ आता हे उपोषण उग्र रूप धारण करायला‎ लागले आहे. या आंदोलनाला भारतीय‎ कॉमुनिष्ट पक्षाने जाहीर पाठिंबा देत‎ आंदोलनाचा इशारा दिला होता.

तर‎ उपोषणाच्या तिसऱ्या दिवशी शहराचे‎ नगराध्यक्ष तथा बाळासाहेबांची शिवसेना‎ पक्षाचे नेते डॉ. मनीष मस्की, भारतीय जनता‎ पक्षाचे तालुका अध्यक्ष ज्ञानेश्वर चिकटे,‎ जनहित कल्याण संघटनेचे अध्यक्ष गौरीशंकर‎ खुराणा, माजी पं. स. सदस्य अरविंद वखनोर,‎ काँग्रेसचे रवी पोटे, अंकुश माफुर, यांनी‎ उपोषण मंडपाला भेट देत जाहीर पाठिंबा घोषीत‎ केला. मुजोर ट्रॅव्हल चालक ऐकत नसेल तर‎ वेळ प्रसंगी रस्त्यावर उतरून आंदोलन करू‎ अशा इशारा या वेळेस देण्यात आला. हा प्रश्न‎ जर लवकर मार्गी लागला नाही तर‎ तालुक्यातील जनतेचा वाढता पाठींबा लक्षात‎ घेता हे आंदोलन चिघळण्याची भीती‎ जनमानसात बोलली जात आहे.‎