सत्कार:अकाेटला शिवाजी महाविद्यालयात कार्यशाळा‎

स्थानिक श्री शिवाजी कला, वाणिज्य व‎ विज्ञान महाविद्यालयात प्राणीशास्त्र‎ विभागातर्फे मायक्रोटेक्निक या विषयावर‎ एकदिवसीय कार्यशाळाचे आयोजन‎ करण्यात आले होते.‎ या कार्यक्रमाचे अध्यक्ष प्राचार्य डॉ. सुनील‎ पांडे तर मंचावर डॉ. संजय वाघ, डॉ. रवी‎ जुमळे, डॉ. उमर भाटी तसेच विविध‎ महाविद्यालयातून आलेले प्राध्यापक डॉ.‎ सोळंके, डॉ. झिलपे, डॉ. हिंगणकर, डॉ. सोनी‎ व प्राणीशास्त्र विभाग प्रमुख डॉ. विजय भगत‎ हे उपस्थित होते. याप्रसंगी कार्यशाळेचे‎ उद्घाटन प्राचार्य डॉ. सुनील पांडे यांच्या हस्ते‎ करण्यात आले व याच कार्यक्रमांमध्ये डॉ.‎ झिलपे यांची विद्यापीठाच्या प्राणीशास्त्र या‎ विभागाच्या बोर्डवर नियुक्ती करण्यात आली‎ आहे त्याबद्दल त्यांचा सत्कार करण्यात‎ आला.

यावेळी विविध महाविद्यालयातील‎ विद्यार्थी सुद्धा उपस्थित होते. वरवट बकाल‎ महाविद्यालयातील २० विद्यार्थी, सारडा‎‎‎‎‎‎‎‎‎‎‎‎‎‎‎ महाविद्यालयातील २० विद्यार्थी व गोपाळराव‎ खेडकर महाविद्यालयातील जवळपास ४५‎ विद्यार्थी हजर होते व श्री शिवाजी‎ महाविद्यालय आकोट येथील १०० विद्यार्थी‎ उपस्थित होते. प्राणीशास्त्र विभाग प्रमुख डॉ.‎ विजय भगत यांनी मायक्रोटेक्निक या‎ विषयावर सखोल मार्गदर्शन केले.‎

कार्यक्रमाचे संचालन पूनम अनासने हिने‎‎‎‎‎‎‎‎‎‎‎‎‎‎‎ केले. तर आभार प्रदर्शन प्राची रेखाते हिने‎ केले व सर्व उपस्थितांचे आभार मानले. या‎ कार्यशाळा करिता महाविद्यालयाचे प्राचार्य डॉ‎ सुनील पांडे , प्राणीशास्त्र विभाग प्रमुख डॉ‎ विजय भगत ,प्राणीशास्त्र विभागातील सर्व‎ प्राध्यापक व प्राणीशास्त्र विभागाचे‎ प्रयोगशाळा परिचर, बीएससी अंतिमच्या सर्व‎ विद्यार्थ्यांचे सहकार्य लाभले.‎