डॉ. निधी पाण्डेय यांच्याकडुन सर्वांचे‎ अभिनंदन:"विभागात महसूल वसुलीचे‎ 108 टक्के उद्दिष्ट पूर्ण''‎

अमरावती महसूल विभागातील पाचही‎ जिल्ह्यांनी महसूल वसुलीची कारवाई‎ उत्तमरित्या पार पाडल्याने विभागाच्या‎ उद्दिष्टाच्या १०८ टक्के वसुली पूर्ण‎ झाली आहे.‎ शासनाकडून २०२२-२३ साठी‎ अमरावती विभागात ४३८ कोटी २७‎ लाख रुपये. महसूल वसुलीचे उद्दिष्ट‎ देण्यात आले होते. विभागाने त्याहून‎ जास्त म्हणजेच ४७६ कोटी ३ लाख ८१‎ हजार वसुली प्राप्त केली आहे. या‎ वसुलीत विभागातील सर्व जमीन‎ महसूल व गौण खनिज या दोन्हीपासून‎ प्राप्त झालेल्या एकूण रकमेचा समावेश‎ आहे. विविध जिल्हा प्रशासनांनी‎ केलेल्या कामगिरीबाबत विभागीय‎ आयुक्त डॉ. निधी पाण्डेय यांनी सर्वांचे‎ अभिनंदन केले आहे.

विभागातील‎ अमरावती, अकोला, बुलडाणा,‎ यवतमाळ व वाशीम या पाचही‎ जिल्ह्यांत एकूण १३८ कोटी १९ लाख‎ ७१ हजार रु. (१०३ टक्के) जमीन‎ महसूल प्राप्त झाला आहे.‎ गौण खनिज उत्पादनांत‎ विभागाला एकूण ३०५ कोटी रुपये‎ वसुलीचे उद्दिष्ट होते. विभागाने ३३७‎ कोटी ७५ लाख ९५ हजार रुपये वसुली‎ केली. अमरावती विभागाच्या एकूण‎ उद्दिष्टाच्या ११०.७४ टक्के वसुली‎ झाली. महसूल वसुलीच्या‎ उद्दिष्टापेक्षा जास्त महसूल गोळा‎ करून विभागातील जिल्ह्यांनी चांगली‎ कामगिरी केली. पुढील वर्षी याचप्रकारे‎ उद्दिष्टपूर्ती होण्यासाठी समन्वयाने‎ प्रयत्न व्हावेत, असे निर्देश विभागीय‎ आयुक्त डॉ. पाण्डेय यांनी दिले आहेत.‎