शेतशिवार:रेशनचा 19 टन तांदूळ, एक टन गहू‎ जप्त; कारंजा पोलिसांची कारवाई‎

काळाबाजार करण्याच्या उद्देशाने‎ कारंजा पोलिस ठाण्याच्या हद्दीतील‎ तपोवन शेत-शिवारात साठवून‎ ठेवलेला रेशनचा १९ टन तांदूळ व‎ एक टन गहू शुक्रवार, ३ जानेवारी‎ रोजी कारंजा पोलिसांनी जप्त केला.‎ या शासकीय धान्यासह, एक‎ चारचाकी, एक दुचाकी असा एकूण‎ ९.१२ लाखांचा मुद्देमाल जप्त करत‎ साठेबाजी करणाऱ्या तिघांना‎ पोलिसांनी ताब्यात घेतले.‎

तपोवन शिवारातील एका शेतात‎ काही जण रेशनचा तांदूळ व‎ गव्हाचा साठा करून त्याचा‎ काळाबाजार करत असल्याची गुप्त‎ वार्ता पोलिसांना मिळाली होती. प्राप्त‎‎‎‎‎‎‎‎‎‎‎‎‎ माहितीच्या आधारे पोलिसांनी‎ शुक्रवारी छापा टाकला.‎ तपासादरम्यान याठिकाणी सलीम‎ भिकाजी बाळापुरे, अलीम सलीम‎ गुंगीवाले, तोहीद हसन भवानिवाले‎ या तिघांनी रेशनच्या दुकानात‎‎‎‎‎‎‎‎‎‎‎‎‎ वितरित केला जाणारा १९ टन तांदूळ‎ व एक टन गहू एका चारचाकी‎ वाहनात जमा करून ठेवला‎ असल्याचे पोलिसांना आढळून‎ आले. दरम्यान, पोलिसांनी परवाना‎ व अन्य कागदपत्रांची मागणी केली‎ असता, ते सादर करण्यास तिघे‎ असमर्थ ठरले.

अखेर पोलिसांनी‎ पंचांसमक्ष रेशनचा १९ टन तांदूळ‎ ज्याची अंदाजे किंमत १ लाख १९‎ हजार रुपये, १ टन गहू यांसह ७‎ लाख रुपये किंमतीचे एक चारचाकी‎ वाहन व १५ हजार किमतीची एक‎ मोटारसायकल असा एकूण ९ लाख‎ १२ हजारांचा मुद्देमाल जप्त केला.‎ ही धडक कारवाई कारंजाचे‎ उपविभागीय पोलिस अधिकारी‎ जगदीश पांडे यांच्या नेतृत्वात‎ त्यांच्या पथकाने केली. असा‎ गैरकारभार होत असल्याचे लक्षात‎ येताच नागरिकांनी त्वरित‎ जवळच्या पोलिस ठाण्यात माहिती‎ द्यावी, असे आवाहन करण्यात‎ आले आहे.‎