गुन्हा दाखल:‘टास्क फ्रॉड' मधून तरुणाला‎ 23 लाखांचा ऑनलाइन गंडा‎, सायबर गुन्हेगारीमधील फसवणुकीची नवी पद्धत‎

शहरात राहणाऱ्या एका तरुणाला ऑनलाइन ‎ पद्धतीने टास्क देवून २५ दिवसात त्याची २३‎ लाख १ हजार ८७७ रुपयांनी ऑनलाइन‎ फसवणूक करण्यात आली. सायबर क्राइममध्ये ‎ ‎ अलीकडेच उदयास आलेल्या ‘टास्क फ्रॉड''‎ या नव्या पद्धतीने या तरुणाची फसवणूक झाली ‎आहे.

या प्रकरणी तरुणाने सायबर पोलिसांकडे ‎ ‎ तक्रार दिली असून, पोलिसांनी अनोळखी बँक ‎ ‎ खातेदाराविरुद्ध गुन्हा दाखल केला आहे.‎ इम्रान नजर खान (३३, रा. अलहिलाल ‎ ‎ कॉलनी, अमरावती) असे फसवणूक झालेल्या ‎ ‎ तरुणाचे नाव आहे. इम्रान खान हे ऑनलाइन ‎ व्हिडिओ पाहत असताना त्यांना एक जाहीरात ‎ ‎ दिसली. त्यामध्ये चित्रपटांना रेटींग केल्यास ‎ आपल्याला बोनस आणि कमिशन मिळेल. ‎ ‎ त्यानंतर एका लिंकवर क्लिक केल्यास त्यांना ‎ रजिस्ट्रेशन करण्याबाबत सांगण्यात आले.‎ त्यांनी रजिस्ट्रेशन केले.

त्यानंतर ३०‎ चित्रपटांच्या रेटींगचा पहिला टास्क देण्यात‎ आला. या चित्रपटांना रेटींग देवून टास्क पूर्ण‎ झाला, त्यासाठी त्यांना ८५० रुपये तसेच‎ दुसऱ्यांदा टास्क पूर्ण केल्यानंतर ३ हजार ५००‎ रुपये मिळाले. त्यानंतर वारंवार त्यांना‎ चित्रपटांना रेटींगचे काम देण्यात येत होते.‎ सुरूवातीला एक ते दोन वेळा रक्कम‎ दिल्यामुळे इम्रान खान यांना विश्वास बसला.‎ त्यानंतर त्यांना प्रिपेड टास्क देण्यात आला.‎

यामध्ये सुरूवातीला रक्कम भरल्यानंतर‎ ‎ संबंधिताला ऑनलाईन टास्क दिला जातो, ताे‎ पुर्ण केल्यानंतर त्यावर बोनस किंवा‎ कमिशनच्या रुपात अतिरिक्त रक्कम देण्यात‎ येईल, रक्कम जितकी जास्त तेवढी कमाई‎ जास्त, असेही सांगण्यात आले होते.

काय आहे ‘टास्क फ्रॉड'' ‎?‎
सायबर गुन्हेगार दर काही महिन्यात‎ फसवणुकीसाठी नवे नवे फंडे आणतात.‎ मागील महिना ते दोन महिन्यांपासून सायबर‎ गुन्हेगारांनी टास्क फ्रॉड हा प्रकार आणला आहे.‎ यामध्ये ऑनलाइन लिंकद्वारे एखादे काम दिले‎ जाते. त्यामध्ये चित्रपट रेटींग, चित्रपट‎ समीक्षण, टायपिंग करणे, लाईक, कॉमेंट करणे‎ असे काही काम दिले जाते.

हे काम केल्यावर‎ सुरूवातीला एक, दोन, तीनवेळा रक्कम सुध्दा‎ ते देतात. एकदा समोरच्या व्यक्तीचा विश्वास‎ बसला की, अतिरिक्त रक्कम परताव्याचे‎ आमीष दाखवून त्याच्याकडून प्रीपेड टास्क द्वारे‎ ऑनलाइन तसेच बँकेतून खात्याद्वारे रक्कम‎ उकळतात आणि रक्कम जास्त झाली की,‎ रक्कम न देताच संपर्क बंद करतात.

यालाच‎ टास्क फ्रॉड म्हणतात. शहरात टास्क फ्रॉडचे हे‎ दुसरे प्रकरण असल्याची माहिती सायबर‎ ठाण्याचे एपीआय रवींद्र सहारे यांनी दिली आहे.‎ त्यामुळे नागरिकांनी अशा कोणत्याही‎ ऑनलाइन टास्कमध्ये अडकू नये, असे‎ आवाहन त्यांनी केले आहे.‎