आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

चेहऱ्यावर समाधान‎ झळकले:ऑनलाइन फसवणूक झालेल्यांच्या 11 लाखांसह‎ हरवलेले 254 मोबाइल संबंधितांना केले परत

अमरावतीएका महिन्यापूर्वी
  • कॉपी लिंक

‎ ऑनलाइन फसवणुकीतील ११ ‎लाखांची रक्कम तसेच मागील‎ काही महिन्यांत विविध ठिकाणांहून हरवलेले ३० लाख ५२ हजार रुपये ‎किमतीचे २५४ मोबाइल मूळ‎ मालकांना शनिवारी पाेलिस आयुक्त ‎ ‎ नवीनचंद्र रेड्डी यांच्या हस्ते परत‎ करण्यात आले. फसवणूक झालेली‎ रक्कम व मोबाइल परत मिळाल्याने‎ तक्रारदारांच्या चेहऱ्यावर समाधान‎ झळकले होते.‎ पोलिस वर्धापन दिवसाचे‎ औचित्य साधून शहर पोलिसांकडून‎ विविध कार्यक्रम सुरू आहे. याच‎ कार्यक्रमादरम्यान शनिवारी सकाळी‎ पोलिस मुख्यालयाच्या मैदानावर‎ आयोजित एका कार्यक्रमात ही‎ रक्कम व मोबाइल परत करण्यात‎ आले.

सायबर पोलिस स्टेशनमध्ये‎ दाखल असलेल्या विविध‎ ऑनलाइन फसवणुकीच्या‎ गुन्ह्यांमधील ११ लाखांची रक्कम‎ उच्च तंत्रज्ञान पद्धतीचा वापर करून‎ परत मिळवण्यात आली. ही रक्कम‎ तक्रारदारांना परत केली. तसेच‎ हरवलेल्या २५४ मोबाइलचा तांत्रिक‎ पद्धतीने शोध घेऊन ते मूळ‎ मालकांना परत करण्यात आले. या‎ वेळी पोलिस उपायुक्त विक्रम साळी‎ व भातकुलीच्या तहसीलदार नीता‎ लबडे यांची प्रमुख उपस्थिती होती.‎

ही कामगिरी सायबर पोलिस‎ स्टेशनच्या पीआय सीमा दाताळकर,‎ एपीआय रवींद्र सहारे, एएसआय‎ चैतन्य रोकडे, संजय धंदर, जगदीश‎ पाली, विद्या राऊत, शैलेंद्र अर्डक,‎ गजानन पवार, सुधीर चर्जन, ताहेर‎ अली, पंकज गाडे, प्रशांत मोहोड,‎ संग्राम भोजने, सचिन भोयर,‎ उल्हास टवलारे, गोपाल सोळंखे,‎ मयूर बोरेकर, सुषमा आठवले,‎ गजानन डुबे आदींनी केली.‎

बातम्या आणखी आहेत...