जखमेतील रक्त गोठत नसेल तर सावधान:जिल्ह्यात ‘हिमोफिलिया’चे 400 रुग्ण; इर्विन रुग्णालयात ‘हिमॅटॉलॉजी डे केअर युनिट’ सज्ज‎

थोडीशी जखम झाली आणि रक्त येत असेल‎ आणि ते रक्त अनेक उपायानंतरही थांबत‎ नसेल तर त्वरित सावध होण्याची गरज आहे.‎ तुम्हाला ‘होमोफिलिया’ असण्याची शक्यता‎ नाकारता येत नाही. ‘हीमोफिलिया’ हा एक‎ आनुवंशिक आजार आहे. या रुग्णांचा‎ अपघात झाल्यास त्यांच्या जीवही धोक्यात‎ येण्याची शक्यता नाकारता येत नाही. जिल्हा‎ सामान्य रुग्णालयात //"हिमॅटॉलॉजी डे केअर’‎ सेंटरमध्ये चारशेच्या जवळपास‎ ‘हीमोफिलिया’ आजाराचे रुग्ण उपचार घेत‎ आहेत. यासाठी इर्विन रुग्णालयात‎ ‘हिमॅटॉलॉजी डे केअर सेंटर’ कार्यान्वित‎ आहेत.‎ शरीरामध्ये रक्ताभिसरण सुव्यवस्थित‎ राहण्याकरिता रक्त हे द्रव स्वरुपात असते;‎ परंतु काही जखम झाल्यास रक्त हे शरीराबाहेर‎ वाहते आणि लगेच रक्त गोठून पुढील‎ रक्तस्त्राव थांबतो.‎ हिमोफोलिया आजारामध्ये रक्त‎ गोठण्यासाठी लागणाऱ्या एकूण १३ फॅक्टर‎ पैकी एखादे फॅक्टर शरीरात तयार होत नाही.‎ त्यामुळे रक्त गोठण्याची प्रकिया होत नाही‎ आणि रक्तस्त्राव सुरुच राहतो. हिमोफीलिया‎ हा आनुवंशिक आजार आहे. हा आजार‎ पालकांमध्ये असलेल्या सदोष जनुकांद्वारे‎ आपल्याला होतो. विशेषत: मुलांना होतो.‎ पुरुषात या आजारांची लक्षणे दिसून येतात.‎ पण हा आजार वाहून नेण्याचे कार्य‎ स्त्रियांकडून होत असल्याने या आजाराचे‎ वाहक फक्त स्त्रिया असल्याचे डॉक्टर्स‎ सांगतात.‎

जर रक्त गोठत नसेल तर जखमेतून रक्तस्त्राव‎ हा सुरुच राहतो. त्यामुळे मोठ्या प्रमाणावर‎ झालेल्या रक्तस्रावामुळे रुग्णांच्या जीवाला‎ धोका निर्माण होऊ शकतो.‎ तर हिमोफिलिया रक्तदोषाची शक्यता‎नाकातून रक्त वाहणे, हिरड्यांमधून रक्त येणे, त्वचेखाली निळसर,‎ काळपट गाठी येणे, सांध्यामध्ये रक्तस्त्राव झाल्याने सांधे सुजतात,‎ त्यात वेदना होतात. जखमेतील रक्तस्त्राव न थांबणे ही लक्षणे‎ असतील तर हिमोफिलिया रक्तदोष असण्याची शक्यता असते.‎

चारशे रुग्णांमध्ये‎ महिलांचाही समावेश‎

जिल्हा सामान्य‎ रुग्णालयामध्ये हिमॅटॉलॉजी‎ डे केअर सेंटर असून‎ याठिकाणी जवळपास ४००‎ हिमोफोलिया रुग्णांची नोंद‎ करण्यात आली आहे. यामध्ये‎ ४ ते ५ महिला रुग्णदेखील‎ असल्याची माहिती तज्ज्ञांनी‎ दिली.‎

डे केअर युनिटव्दारे‎ रुग्णांवर उपचार‎

हिमॅटॉलॉजी डे केअर यनिटच्या‎ माध्यमातून हिमोफिलिया‎ आजारग्रस्त रुग्णांचे मोफत उपचार‎ केले जाते. सध्या ४०० रुग्ण हे‎ उपचार घेत आहेत. या रुग्णांना‎ ओळखपत्र, योग्य सल्ला,‎ भौतिकोपचार, समुपदेशन,‎ वैद्यकीय अपंग प्रमाणपत्र, तसेच‎ आवश्यकतेनुसार माेफत‎ एफएफपी व रक्तसंक्रमण‎ करण्यात येते.‎

-डॉ. विलास जाधव, वैद्यकीय‎ अधिकारी, हिमॅटॉलॉजी विभाग‎

जिल्हा सामान्य‎ रुग्णालयात होतात‎ माेफत उपचार‎

जिल्हा सामान्य रुग्णालयांमध्ये २०१३ पासून हिमॅटॉलॉजी डे केअर‎ सेंटर कार्यान्वित आहे. याठिकाणी हिमोफोलिया रुग्णांवर मोफत‎ उपचार केले जात असल्याची माहिती रुग्णालय प्रशासनाने दिली.‎