बडनेरा पोलिसात तक्रार:एटीएम कार्डची अदलाबदली‎ करुन 52 हजारांनी फसवणूक‎

बडनेरा नवीवस्ती परिसरातील एटीएमवर पैसे‎ काढण्यासाठी गेलेल्या व्यक्तीचे एटीएम कार्ड‎ अडकले होते. त्यावेळी मागे असलेल्या‎ अनोळखी व्यक्तीने मी काढून देतो, असे म्हणून‎ त्यांना एटीएम कार्ड दिले. त्यानंतर दोन दिवसात‎ त्यांच्या खात्यातून ५२ हजार रुपये काढून त्या‎ व्यक्तीची फसवणूक केली.‎ अशोक श्रावण डोंगरे (रा. पवननगर,‎ अमरावती) असे तक्रारदारांचे नाव आहे.‎ अशोक डोंगरे हे २ एप्रिलला नववीवस्ती‎ परिसरातील चांदणी चौकात असलेल्या एका‎ एटीएमवर पैसे काढण्यासाठी गेले.

त्यावेळी त्यांनी‎ १० हजार रुपये काढले मात्र मशिनमधून त्यांचे‎ एटीएम कार्ड बाहेर निघत नव्हते. त्याचवेळी‎ एमटीएमवर त्यांच्या मागे असलेल्या एका‎ अनोळखी व्यक्तीने त्यांना एटीएम कार्ड दिले. ते‎ कार्ड घेऊन डोंगरे घरी गेले. त्यानंतर मात्र त्यांच्या‎ खात्यातून चार वेळा रक्कम काढण्यात आली‎ असून, एकूण ५२ हजारांची रक्कम कमी झाली.‎ त्यामुळे त्या अनोळखी व्यक्तीने परस्पर रक्कम‎ काढून आपली फसवणूक केल्याचे डोंगरे यांच्या‎ लक्षात आले. त्यामुळे त्यांनी सोमवारी (दि. ३)‎ बडनेरा पोलिसात तक्रार दिली. पोलिसांनी गुुन्हा‎ दाखल केला आहे.‎