आंदोलनाचा इशारा‎:मालमत्ता करात 600 रु. स्वच्छता कर‎ लादूनही शहरात स्वच्छतेचा बोजवारा‎

करवाढी विरोधात आंदोलनांमुळे‎ ४० टक्के सामान्य कराला‎ शासनाकडून स्थगिती मिळाली तरी‎ स्वच्छता कराचे प्रत्येकी ६०० रु.‎ कायम आहेत. एवढ्या मोठ्या‎ प्रमाणात स्वच्छता कर वसूल होत‎ असतानाही आधीच्या तुलनेत‎ शहरातील स्वच्छतेकडे दुर्लक्ष होत‎ आहे. शहरात सर्वत्र कचरा दिसत‎ असल्यामुळे याविराेधात बुधवार १२‎ रोजी राष्ट्रवादी काँग्रेसने मनपात‎ धडक दिली. परिस्थितीत सुधारणा‎ झाली नाही तर यापुढे तीव्र आंदोलन‎ केले जाईल, असा इशाराही राकाँ‎ शहराध्यक्ष प्रशांत डवरे यांनी दिला.‎ राष्ट्रवादी काँग्रेस पार्टी अमरावती‎ शहरद्वारे उपायुक्त डाॅ. मेघना‎ वासनकर यांना देण्यात आले.‎ शहरात स्वच्छतेची कामे‎ करण्यात यावी. कचरा‎ संकलनासाठी घंटागाड्या नियमित‎ फिरविण्यात याव्यात, स्वच्छता‎ कराचा भार कमी करण्यात यावा‎ अशी मागणी निवेदनात करण्यात‎ आली. यावेळी राष्ट्रवादी माजी‎ सभापती अविनाश मार्डीकर, प्रशांत‎ महल्ले, रतन डेंडूले, जितेंद्र ठाकूर,‎ सपना ठाकूर, संदीप आवारे, मनोज‎ केवले, प्रमोद महल्ले, महेंद्र भुतडा,‎ श्रीकांत झंवर, योगेश सवाई, संदीप‎ कदम यांची उपस्थिती होती.‎