प्रभाग रचना:12 वर्षीय मुलाने काढली सोडत चिठ्ठी ; अंजनगाव सुर्जी नगरपालिकेची प्रभाग सोडत

नगरपालिकेची सोडत पालिकेच्या स्व. सुरेशचंद्र भावे सभागृह येथे पीठासीन अधिकारी मनोज लोणारकर व मुख्याधिकारी सुमेध अलोने यांच्या उपस्थितीत पार पडली. मयूर रोडे या १२ वर्षीय मुलाच्या हाताने सोडत िचठ्ठ्या काढण्यात आल्यात. इतर मागासवर्गाच्या प्रवर्गाचे आरक्षण सर्वोच्च न्यायालयाने रद्द केल्याने इतर मागासवर्गीय उमेदवारांसाठी असलेल्या हक्काच्या ७ जागा गेल्याने नाराजी व्यक्त करण्यात येत आहे. या सोडतीने कहीं खुशी, कहीं गम दिसून येत आहे. नगरपालिकेत एकूण १४ प्रभाग असून एका प्रभागात २ नगरसेवक राहतील. लोकसंख्येनुसार ३ जागा अनुसूचित जातीकरिता आरक्षित असून, प्रभाग क्रमांक ७ (अ) अनुसूचित जाती, ३ (अ) व १० (अ) अनुसूचित जाती महिलांकरिता आरक्षित झाले. तर २५ नगरसेवक पद सर्वसाधारण राहणार आहेत. प्रभाग ७ मधील गट (ब) व इतर १३ ही प्रभागातील गट (अ) सर्वसाधारण महिलांकरिता आरक्षित आहेत.