आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

लढा:कमी पटसंख्येच्या शाळा बंदच्या‎ धोरणाविरोधात पायी संघर्ष यात्रा‎

मानोरा‎2 महिन्यांपूर्वी
  • कॉपी लिंक

महाराष्ट्रातील २० पेक्षा कमी पटसंख्या ‎असलेल्या शाळा बंद करण्याच्या‎ विरोधात अखिल भारतीय तांडा‎ सुधार समितीने माळपठार गहुली ते‎ नागपूर अधिवेशन दरम्यान पायदळ‎ संघर्ष यात्रा सुरू केली असून,‎ मंगळवारी या आंदोलनाची यात्रा‎ बंजारा समाजाची क्रांतीभूमी पोहरागड‎ येथे पोहोचली.‎ तत्पूर्वी, समितीचे महासचिव‎ नामा बंजारा यांनी महानायक‎ वसंतराव नाईक यांच्या स्मृतिस्थळी‎ जाऊन नाईक यांच्या प्रतिमेचे दर्शन‎ घेतले. महानायक वसंतराव‎ नाईक यांनी खेड्या-पाड्यातील मुले‎ शिकली पाहिजे, यासाठी शेकडो‎ आश्रम शाळा सुरू केल्या. शासन‎ आज पटसंख्येच्या नावावर अशा‎ हजारो शाळा बंद करत असून,‎ गरिबांच्या मुलांना शिक्षणापासून‎ वंचित ठेवण्याचा प्रयत्न करत आहे.‎

शासनाचा हा डाव हाणून‎ पाडण्यासाठी या पायदळ यात्रेत‎ मोठ्या प्रमाणात सहभागी होण्याचे‎ आवाहन संजय आडे यांनी केले‎ आहे. यशवंतराव चव्हाण, गोपीनाथ‎ मुंडे यांच्या स्मारकाप्रमाणेच‎ वसंतराव नाईक यांच्या‎ स्मृतिस्थळाचे शासकीय निधीतून‎ सौंदर्यीकरण करण्याची मागणी तांडा‎ सुधार समितीने लावून धरली आहे.‎ राजस्थान व कर्नाटक‎ राज्याप्रमाणे महाराष्ट्र राज्याने‎ पदोन्नतीत आरक्षण द्यावे, राज्य‎ मागासवर्गीय आयोगाने दोनदा‎ शिफारस करूनही रद्द न करण्यात‎ आलेली नॉन क्रीमिलेअरची अट रद्द‎ करावी, संत सेवालाल महाराज‎ यांच्या जयंती दिनी १५ फेब्रुवारीला‎ शासकीय सुटी घोषित करावी,‎ घरकूल कर्ज मर्यादेत वाढ करावी‎ तसेच वसंतराव नाईक‎ महामंडळाच्या निधीत वाढ करावी,‎ नागपूर येथे वसंतराव नाईक यांच्या‎ नावाने भव्य सभागृहाची निर्मिती‎ इत्यादी मागण्या या अखिल भारतीय‎ तांडा सुधार समितीच्या पायदळ‎ यात्रेत करण्यात आल्या.

२२‎ डिसेंबरला ही यात्रा नागपूर‎ अधिवेशनावर धडकणार‎ असल्याची माहिती नामा बंजारा‎ यांनी दिली. या पदयात्रेत नामा‎ बंजारा, प्रा. सरदार राठोड, राजू‎ रत्ने, धर्मेंद्र जाधव, संजय मदन‎ आडे तालुकाध्यक्ष पुसद, जिनकर‎ राठोड महाराष्ट्र प्रदेश अध्यक्ष अ.‎ भा. बंजारा युवा सेना, शेतकरी नेते‎ मनोहर राठोड, सुनील चव्हाण‎ सरपंच हिवळणी, मानोरा‎ तालुकाध्यक्ष, रामराव राठोड‎ कार्याध्यक्ष, एकराज जाधव,‎ धर्मराज आडे आदींनी सहभाग‎ घेतला आहे

बातम्या आणखी आहेत...