आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शेतकऱ्यांमध्ये भीतीचे‎ वातावरण:उतखेड येथे बिबट्याने‎ केली गाईची शिकार‎

अमरावती‎एका महिन्यापूर्वी
  • कॉपी लिंक

अंजनगाव बारी परिक्षेत्रातील‎ उतखेड शिवारात एका बिबट्याने‎ गाय फस्त केल्याची घटना शनिवारी‎ सकाळी समोर आली. या घटनेमुळे‎ परिसरातील शेतकऱ्यांमध्ये भीतीचे‎ वातावरण निर्माण झाले आहे.‎ अंजनगाव बारी परिसरात‎ भानखेड, मोगरा तसेच‎ कोंडेश्वरच्या गोविंदपूर परिसरात‎ जंगली प्राण्यांचा वावर नेहमीच‎ आळतो. यामध्ये रोही, बिबट्या,‎ रानडुकरे तसेच अन्य जंगली प्राणी‎ आढळून येतात. उतखेड शिवारात‎ शेतकरी राजू ठाकरे व दीपक ठाकरे‎ हे रात्रीच्या वेळी शेतातील तूर व‎ हरभरा पिकाच्या रखवालदारीसाठी‎ गेले होते.

या वेळी त्यांची गाय शेतात‎ बांधून होती. ते शेतातच मात्र दुसऱ्या‎ बाजूने असतानाच काही वेळाने‎ गाईचा हंबरडा ऐकायला आला.‎ त्यामुळे त्यांनी गाईच्या दिशेने धाव‎ घेतली असता बिबट गाईला फस्त‎ करत असल्याचे दिसले.

बिबट्याला‎ हाकलून लावण्यासाठी त्यांनी‎ आरडाओरडा केला, मात्र बिबट्याने‎ गाईचे लचके तोडले हाेते. या घटनेची‎ माहिती वन विभागाला देण्यात आली.‎ त्यामुळे वन विभागाने शनिवारी‎ सकाळी घटनास्थळी पाेहाेचून‎ पंचनामा केला.‎

बातम्या आणखी आहेत...