धमकी देवून वारंवार अत्याचार:अश्लील व्हिडिओ व्हायरल करुन‎ विवाहितेचे केले लैंगिक शोषण‎‎

एका विवाहितेसोबत प्रेमसंबंध‎ प्रस्थापित करुन तिच्यावर लैंगिक‎ अत्याचार केला. त्या दरम्यानचा‎ व्हिडीओ त्याने चित्रीत केला‎ आणि हाच अश्लील व्हिडिओ‎ व्हायरल करण्याची धमकी देवून‎ विवाहितेवर वारंवार अत्याचार‎ केला. त्यानंतरही त्या तरुणाने तोच‎ व्हिडिओ इंटरनेटवर अपलोड‎ करुन व्हायरल केला. या प्रकरणी‎ पीडीत विवाहितेच्या तक्रारीवरून‎ लोणी पोलिसांनी २९ वर्षीय‎ तरुणाविरुद्ध बलात्काराचा गुन्हा‎ दाखल केला आहे.‎ किरण काशीनाथ गजभिये‎ (२९, रा. जळू) असे गुन्हा दाखल‎ झालेल्या तरुणाचे नाव आहे.‎ २०२० मध्ये किरणची एका‎ विवाहित महिलेसोबत ओळख‎ झाली. त्यावेळी ‘तुम्ही मला खूप‎ आवडता’, असे किरणने त्या‎ विवाहितेला म्हटले. या महिलेचा‎ पती जास्त दारु पिण्याच्या‎ सवयीचा असल्यामुळे‎ महिलासुद्धा किरणकडे आकर्षित‎ झाली होती.

त्यांच्यात प्रेमसंबंध‎ झाल्यानंतर किरणने महिलेवर‎ बलात्कार केला. त्यानंतर अनेकदा‎ तो विवाहित महिलेवर अत्याचार‎ करतच होता. एकदा‎ अत्याचाराच्यावेळीचा महिलेचा‎ व्हिडिओ त्याने मोबाइलमध्ये‎ काढला. दरम्यान ही बाब‎ महिलेला माहीत झाल्यानंतर तिने‎ किरणला तो व्हिडिओ डिलीट‎ करण्याबाबत म्हटले असता, त्याने‎ व्हिडिओ डिलीट केला नाही.‎ उलट हाच व्हिडिओ व्हायरल‎ करण्याची धमकी देवून त्याने‎ वारंवार अत्याचार केला. त्यानंतर‎ तोच आक्षेपार्ह व्हिडिओ किरणने‎ इंटरनेटवर अपलोड करुन‎ व्हायरल केला, अशी तक्रार‎ पीडीत महिलेने केली आहे. या‎ तक्रारीवरून लोणी पोलिसांनी‎ किरण गजभिये विरुद्ध बलात्कार‎ करणे, धमकी देणे तसेच माहिती‎ तंत्रज्ञान कायद्याच्या कलमान्वये‎ गुन्हा दाखल केला आहे.‎