गुन्हा दाखल:अनैतिक संबंधाच्या संशयातून‎ भंगार व्यावसायिकाची हत्या‎

दोन दिवसांपूर्वी शहरातील‎ लालखडी भागातील एका पडक्या‎ घरात भंगार खरेदी-विक्रीचे काम‎ करणाऱ्या रमजान खान रहेमान‎ खान (५४, रा. इरफानगर) यांचा‎ मृतदेह आढळून आला होता. या‎ घटनेच्या अनुषंगाने नागपुरी गेट‎ पोलिसांनी चौकशी केली असता,‎ रमजान खानची हत्या अनैतिक‎ संबंधाच्या संशयातून झाल्याचे पुढे‎ आले आहे. त्यामुळे नागपुरी गेट‎ पोलिसांनी दोघांविरुद्ध शनिवारी‎ (दि. ४) रात्री गुन्हा दाखल केला.‎ रमजान खान यांचा २ मार्चला‎ मृतदेह सापडला होता. मृताच्या‎ डोक्यावर मार लागून रक्त निघत‎ असल्याचे आढळून आले.

त्यामुळे‎ रमजान यांचा मृत्यू संशयास्पद‎ असल्यामुळे हा घातपाताचा प्रकार‎ असू शकतो, अशी शक्यता‎ वर्तवण्यात आली होती. या‎ प्रकरणात पोलिसांनी प्रथम‎ आकस्मिक मृत्यूची नोंद केली. या‎ घटनेच्या अनुषंगाने पोलिसांनी‎ चौकशी केल्यानंतर रमजान यांचा‎ मुलगा मोहीन खान रमजान खान‎ (२४, रा. इरफाननगर, लालखडी)‎ यांनी तक्रार दिली. त्यामध्ये त्याने‎ सांगितले की, रमजान हे भंगार‎ खरेदी-विक्रीचे काम करत होते.‎ तसेच त्यांच्या एका मित्रासोबत‎ मजुरीचेही काम करत असल्याने ते‎ नेहमीच त्याच्या घरी येत-जात होते.‎