आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दृष्टचक्र:अतिवृष्टीनंतर आता हरभऱ्यासह‎ गव्हाला ढगाळ वातावरणाचा धोका‎

सचिन राणे |मंगरुळपीर‎एका महिन्यापूर्वी
  • कॉपी लिंक

मागील काही दिवसांपासून कधी‎ थंडीचा कडाका, दाट धुके, तर कधी‎ ढगाळ वातावरण असल्याने शेतकरी‎ चिंताग्रस्त झाला आहे. ढगाळ‎ वातावरणामुळे रब्बी हंगामातील गहू,‎ हरभरा पिकांवर विविध किडींचा‎ प्रादुर्भाव वाढत असल्याने उत्पादनात‎ घट होण्याची शक्यता आहे. किडीच्या‎ बंदोबस्तासाठी पुन्हा शेतकरी‎ महागड्या औषधांची फवारणी करत‎ असल्याचे चित्र आहे.‎ तसेच खरीप हंगामातील तुरीचे पीक‎ सध्या सोंगणीला आले असून,‎ तालुक्यातील ग्रामीण भागात काही‎ ठिकाणी तुरीची सोंगणी सुरू आहे.‎ त्यामुळे गत दोन दिवसांपासून‎ असलेल्या ढगाळ वातावरणामुळे‎ शेतकऱ्यांची चिंता वाढली आहे. तसेच‎ सध्या रब्बी हंगामातील हरभरा, गहू‎ पिके बहरली असून, हरभऱ्याचे पीक‎ फुलधारणा अवस्थेत आहे, तर काही‎ घाट्यावर असून, वातावरणातील‎ बदलांमुळे पिकांवर अळ्यांचा व‎ रोगांचा प्रादुर्भाव मोठ्या प्रमाणात‎ वाढत आहे. त्यामुळे यंदा गहू, हरभरा‎ पिकाच्या उत्पादनात घट होण्याची‎ शक्यता शेतकऱ्यांनी वर्तवली आहे.‎

आधीच खरिपात‎ अतिवृष्टीचा फटका‎ आधीच खरीप हंगामात‎ अतिवृष्टीचा मोठा फटका‎ शेतकऱ्यांच्या पिकांना बसला‎ होता. शेतकऱ्यांच्या हाती आलेले‎ पीक पावसामुळे वाया गेले होते.‎ यामध्ये सोयाबीन, कापूस या‎ पिकांना मोठा फटका बसला‎ होता. अशातच शेतकऱ्यांच्या‎ आशा या रब्बी हंगामातील‎ पिकांवर होत्या. मात्र, रब्बी‎ हंगामातील पिकांनाही बदलत्या‎ वातावरणाचा मोठा फटका बसत‎ असल्याचे दिसत आहे.‎

पीक वाचवण्यासाठी‎ शेतकऱ्यांची धडपड‎ काही दिवसांपासून ढगाळ वातावरण‎ व वातावरणात सतत होणाऱ्या‎ बदलामुळे हरभऱ्याची वाढ फार कमी‎ आहे. ढगाळ वातावरणामुळे हरभरा‎ पिकावर अळ्यांचा प्रादुर्भाव दिसत‎ आहे. शेतकरी पीक वाचवण्याकरिता‎ वाटेल ते प्रयत्न करत आहेत. परंतु‎ निसर्ग त्यांच्या हाताला यश मिळू देणार‎ की नाही हा प्रश्नच आहे. कारण‎ यावर्षी हरभऱ्याचा उतारा चांगला‎ लागेल हे पिकाकडे बघून वाटत नाही.‎ - गोपाल राऊत, शेतकरी,‎ वनोजा.‎

शेतकऱ्यांना पिकाबाबत‎ मार्गदर्शन करणे सुरू‎ यावर्षी तालुक्यात १३ हजार ४००‎ हेक्टरवर हरभरा, तर ३७५०‎ हेक्टरवर गव्हाची पेरणी झाली आहे.‎ ढगाळ वातावरणामुळे रब्बी पिकांवर‎ किडीचे प्रमाण तसेच हरभरा‎ पिकावर मर रोगाचा प्रादुर्भाव वाढू‎ शकतो. यासाठी कृषी विभागाकडून‎ मर रोग व्यवस्थापन तसेच किडींचा‎ प्रादुर्भाव कमी करण्यासाठी‎ शेतकऱ्यांना मार्गदर्शन करण्यात येत‎ आहे.‎ - रवींद्र इंगोले, तालुका कृषी‎ अधिकारी, मंगरुळपीर.‎

बातम्या आणखी आहेत...