आक्रमक‎:अजित पवारांनी राजीनामा द्यावा; भाजप आक्रमक‎

नागपूर येथील हिवाळी अधिवेशनादरम्यान ‎विरोधी पक्ष नेते अजित पवार यांनी छत्रपती ‎संभाजी महाराजांबद्दल केलेल्या वक्तव्याचे ‎ ‎ पडसाद महाराष्ट्रभर उमटत आहे. त्या‎ अनुषंगाने शहरात भाजपने बसस्थानक‎ चौकात निषेध व घोषणाबाजी करत पवार‎ यांच्या राजीनाम्याची मागणी केली.‎ येथील बस स्थानक चौकात आज २‎ जानेवारी रोजी शहर व तालुका भाजपच्या‎ वतीने निषेध सभेचे आयोजन करण्यात‎ आले होते.

छत्रपती संभाजी महाराज यांच्या‎ बाबत बोलतांना ते धर्मवीर नव्हे तर स्वराज्य‎ रक्षक होते. असे वक्तव्य राज्याचे विरोधी पक्ष‎ नेते अजित पवार यांनी नागपूर हिवाळी‎ अधिवेशनात केले होते. त्यांच्या या‎ वक्तव्याचा भाजपच्या वतीने निषेध केला.‎ यावेळी भाजपा कार्यकर्त्यांनी अजितदादा‎ मुर्दाबादच्या घोषणा देत त्यांच्या‎ राजीनाम्याची मागणी केली.

या आंदोलनात‎ भाजप नेते डॉ.गणेश मांटे, तालुकाध्यक्ष‎ विठोबा मुंडे, शहराध्यक्ष प्रवीण धन्नावत,‎ राजेश भूतडा, एकनाथ काकड, यादवराव‎ भालेराव, निशिकांत भावसार, विकास‎ डोईफोडे, अमोल काकड, संजय इलग,‎ श्रीराम बर्डे, प्रमोद धाराशिवकर, अनिल‎ चित्ते, गबाजी कुटे यांच्यासह असंख्य‎ भाजपा पदाधिकारी सहभागी झाले होते.‎