बार्टीचा पुढाकार:अमरावतीच्या न्यायभवनात लवकरच‎ सुरू होणार स्पर्धा परीक्षा प्रशिक्षण केंद्र‎, स्पर्धा परीक्षेची तयारी करणाऱ्यांना दिलासा

अमरावती‎ स्पर्धा परीक्षेच्या माध्यमातून रोजगार ‎शोधणाऱ्या विद्यार्थ्यांसाठी येथील सामाजिक न्याय भवनात लवकरच‎ स्पर्धा परीक्षा प्रशिक्षण केंद्र स्थापन केले ‎जाणार आहे. राज्याच्या सामाजिक‎ न्याय विभागाने या प्रस्तावाला मंजुरी‎ दिली असून, बार्टीच्या माध्यमातून हा‎ निर्णय लवकरच अंमलात येईल, असे प्रादेशिक उपसंचालक सुनील वारे यांनी ‎स्पष्ट केले.‎

राज्यात प्रथमच एखाद्या विभागाच्या ‎वतीने जिल्हास्तरावर स्वतंत्र स्पर्धा‎ परीक्षा प्रशिक्षण केंद्र सुरु करण्यात येत‎ आहे. देश व राज्याच्या प्रशासनात‎ मागासवर्गीय विद्यार्थ्यांचे प्रमाण वाढावे‎ आणि त्यांना दर्जेदार व गुणवत्तापूर्ण‎ प्रशिक्षण मिळावे, यासाठी सामाजिक‎ न्याय विभागाने हे पाऊल उचलले‎ असून अमरावती शिवाय इतर‎ ठिकाणीही अशीच केंद्रे सुरु केली‎ जाणार आहेत. या निर्णयाचे‎ विद्यार्थ्यांकडून जोरदार स्वागत‎ करण्यात येत आहे. ऑनलाइन मार्गदर्शन सामाजिक न्याय‎ भवनात सुरु होणाऱ्या या स्वतंत्र स्पर्धा‎ परीक्षा केंद्राद्वारे यूपीएससीसाठी‎ मार्गदर्शन करणाऱ्या दिल्लीतील नामवंत‎ संस्थांसह देशभरातील विद्यापीठांशी‎ करार करण्यात येणार आहे. इतकेच‎ नव्हे तर जगभरातील विषय तज्ञ,‎ परदेशातील विद्यापीठांमधील व्याख्याते‎ यांचेही मार्गदर्शन ऑनलाइन पद्धतीने ‎उपलब्ध करुन दिले जाणार आहे.‎ या केंद्रांमधून सर्व प्रकारच्या स्पर्धा ‎परीक्षा यात प्रामुख्याने राज्य लोकसेवा आयोग व केंद्रीय लोकसेवा आयोगाच्या‎ परीक्षांविषयी उत्तमात उत्तम दर्जा राखून‎ ज्ञान कसे देता येईल, यावर भर टाकला‎ जाईल. त्यासाठी समाज कल्याण‎ आयुक्त डॉ. प्रशांत नारनवरे, सचिव‎ सुमंत भांगे, बार्टीचे महासंचालक‎ सुनील वारे, सहसचिव दिनेश डिंगळे‎ यांच्यासह नियामक मंडळ सदस्य‎ तयारीला लागले असल्याचेही प्रादेशिक‎ उपायुक्तांनी स्पष्ट केले.‎

तेथेही बदल करणार‎ सध्या बार्टीमार्फत काही जिल्ह्यात स्पर्धा‎ परीक्षा केंद्र ही खाजगी संस्थांकडून‎ अनुदान तत्वावर चालवली जातात. परंतु‎ ठराविक संस्थाच ही स्पर्धा परीक्षा केंद्र‎ चालवित असून यात स्पर्धा परीक्षेची‎ तयारी करणाऱ्या उमेदवारांचे भवितव्य‎ घडण्याऐवजी त्या संस्थाच अधिक‎ गब्बर होत आहेत. सामाजिक न्याय‎ विभागाकडे त्या संस्था सोन्याची अंडी‎ देणारी कोंबडी म्हणून बघत आहेत.‎ परिणामी स्पर्धा परीक्षेची तयारी‎ करणाऱ्या उमेदवारांचे निकाल नगण्य‎ आहेत. त्यामुळे तेथेही सामाजिक न्याय‎ विभागाच्या इमारतीमध्ये स्वतंत्रपणे स्पर्धा‎ परीक्षा केंद्र चालवले जाणार आहे.‎

अमरावतीचे सामाजिक न्याय भवन‎ तेथेही बदल करणार‎ सध्या बार्टीमार्फत काही जिल्ह्यात स्पर्धा‎ परीक्षा केंद्र ही खाजगी संस्थांकडून‎ अनुदान तत्वावर चालवली जातात. परंतु‎ ठराविक संस्थाच ही स्पर्धा परीक्षा केंद्र‎ चालवित असून यात स्पर्धा परीक्षेची‎ तयारी करणाऱ्या उमेदवारांचे भवितव्य‎ घडण्याऐवजी त्या संस्थाच अधिक‎ गब्बर होत आहेत. सामाजिक न्याय‎ विभागाकडे त्या संस्था सोन्याची अंडी‎ देणारी कोंबडी म्हणून बघत आहेत.‎ परिणामी स्पर्धा परीक्षेची तयारी‎ करणाऱ्या उमेदवारांचे निकाल नगण्य‎ आहेत. त्यामुळे तेथेही सामाजिक न्याय‎ विभागाच्या इमारतीमध्ये स्वतंत्रपणे स्पर्धा‎ परीक्षा केंद्र चालवले जाणार आहे.‎