प्रेम नव्हे क्रौर्य:‘ब्रेकअप’च्या कारणातून प्रेयसीची‎ कटरने गळा चिरुन निर्घृण हत्या‎, बडनेरालगतच्या वडुरा जंगलातील थरार

अमरावती ते बडनेरा एक्सप्रेस ‎हायवेलगतच्या वडुरा जंगल परिसरात‎ अभियांत्रिकीला शिकणाऱ्या एका १९‎ वर्षीय तरुणीचा अतिशय निर्दयीपणे गळा‎ चिरुन खून झाला असून‎ अभियांत्रिकीलाच शिकणारा १९ वर्षीय‎ तरुण त्याच ठिकाणी गंभीर अवस्थेत‎ पडून होता. हा थरार बडनेरा पोलिस‎ ठाण्याच्या हद्दीत बुधवारी (दि. १०)‎ सकाळी समोर आला.

संजना शरद वानखडे (१९, रा.‎ परतवाडा) असे मृत तरुणीचे तर सोहम‎ गणेश ढाले (१९, रा. परतवाडा) असे‎ गंभीर जखमी तरुणाचे नाव आहे. सोहम‎ ढालेविरुद्ध पोलिसांनी गुन्हा दाखल केला‎ आहे.

ब्रेकअपच्या कारणातून हत्याकांड

‘ब्रेकअप’च्या‎ कारणातून हे हत्याकांड घडले असून,‎ मृत तरुणीचा वर्षभरापासून मित्र‎ असलेल्या अभियांत्रिकीच्याच तरुणाने‎ हे कृत्य केल्याची तक्रार प्राप्त झाल्यामुळे‎ पोलिसांनी त्याच्याविरुद्ध खुनाचा गुन्हा‎ दाखल केला आहे.‎ हे दोघेही बडनेरा येथील न्यू राम‎ मेघे इंजिनिअरिंग कॉलेजला‎ ‘आयटी’च्या पहिल्या वर्षाचे विद्यार्थी आहेत.

तरुणीच्या गळ्यावर पाच वार, निर्दयीपणे चिरला गळा‎

तरुणीच्या गळ्यावर पाच वार असून ते वार कटरने केल्याप्रमाणे दिसत आहेत. दरम्यान, तरुणीने मारेकऱ्याचा प्रतिकार केला असून, त्यामध्ये‎ तिच्या बोटांनाही गंभीर दुखापत झाली आहे. अतिशय क्रूरतेने तरुणीचा खून करण्यात आला आहे. तरुणीचे वडील निवृत्त पोलिस अंमलदार‎ असून ते दोन महिन्यांपूर्वीच अमरावती ग्रामीण पोलिस दलातून सेवानिवृत्त झाले आहेत, अशी माहिती बडनेरा पोलिसांनी दिली.‎

पेनड्राइव्ह, छायाचित्रे परत‎ करायचे ठरले होते...‎

संजनाला सोहमसोबत संबंध‎ ठेवायचे नव्हते, त्यामुळे ती‎ ‘ब्रेकअप’ मागायची दरम्यान‎ मंगळवारी रात्री त्यांचे भेटायचे‎ ठरले, त्याचवेळी सोहमकडे‎ असलेला तिचा पेनड्राइव्ह व‎ छायाचित्र परत करायचे असेही‎ ठरले होते. ठरल्याप्रमाणे दोघेही‎ भेटले. दरम्यान मंगळवारी रात्री दहा‎ वाजेच्या सुमारास त्यांच्यात वाद‎ झाला आणि वादातून सोहमने‎ संजनाच्या गळ्यावर कटरने सपासप‎ वार केले. त्याचवेळी त्याने स्वत:ही‎ वार करुन घेतले. त्याने पेपर कटरने‎ हे वार केले आहे. त्याने पेपर कटर‎ सोबत बाळगले, यावरुन हा‎ सोहमचा पूर्वनियोजित कट‎ असल्याचे पोलिसांनी सांगितले.‎

सखोल‎ तपास‎ सुरू‎

मृत तरुणीच्या नातेवाइकाने दिलेल्या तक्रारीवरून सोहम ढालेविरुद्ध‎ खुनाचा गुन्हा दाखल केला आहे. त्याच्यावर रुग्णालयात उपचार सुरू‎ आहेत. या प्रकरणाचा सर्वच बाजूने आम्ही सखोल तपास सुरू केला आहे.‎ नितीन मगर, ठाणेदार, बडनेरा.‎