धुरळा:75 ग्रामपंचायत पोटनिवडणुकीची‎ रणधुमाळी; 7 अर्ज अवैध‎, सदस्याच्या जागांकरीता 117 उमेदवार रिंगणात‎

अमरावती‎ जिल्ह्यातील ७५ ग्रामपंचायतींमध्ये १८‎ मे रोजी पोट निवडणूक होऊ घातली‎ आहे. याकरता स्वीकारण्यात‎ आलेल्या उमेदवारी अर्जांची बुधवारी‎ छाननी करण्यात आली. या प्रक्रियेत ७‎ उमेदवारी अर्ज अवैध ठरवण्यात‎ आल्याने सदस्यपदांकरिता ११७‎ उमेदवार रिंगणात कायम आहेत. ८ मे‎ रोजी उमेदवारी अर्ज मागे घेण्याची‎ शेवटची तारीख असल्याने यातील‎ किती उमेदवार माघार घेतात याकडे‎ लक्ष लागले आहे.‎ राज्य निवडणूक आयोगाने निधन,‎ अनहर्ता किंवा अन्य कारणामुळे‎ ग्रामपंचायतीतील रिक्त सदस्य व थेट‎ सरपंचाच्या रिक्त जागांकरिता‎ पोटनिवडणूक होत आहे. त्यामुळे २५‎ एप्रिल ते २ मे दरम्यान उमेदवारी अर्ज‎ स्वीकारण्यात आले. यामध्ये २ सरपंच‎ पदांसाठी एक, तर ११४ सदस्यांकरिता‎ १२४ उमेदवारी अर्ज दाखल झाले होते.‎ याची छाननी बुधवारी करण्यात‎ आली.

नामांकन अवैध

या प्रक्रियेत ७ नामांकन अवैध‎ ठरले आहेत. यात चिखलदरा‎ तालुक्यातील मेहरीआम, सोनापुर,‎ टेंब्रुसोंडा येथील ३ उमेदवारी याशिवाय‎ दर्यापूर तालुक्यातील चंडीकापूर,‎ सासन ब्रु, अमरावती पिंपरी यादगिरे‎ येथील उमेदवारी अर्ज अवैध‎ ठरवण्यात आले आहे. याशिवाय‎ तिवसा तालुक्यातील आखतवाडा‎ ग्रामपंचायतींमध्ये सरपंच पदासाठी उमेदवारी अर्जच दाखल झाला नाही.

त्यामुळे या‎ निवडणुकीनंतर पुन्हा काही जागा रिक्त राहण्याची शक्यता आहे.‎ सद्य:स्थितीत ११७ उमेदवार रिंगणात कायम आहेत. यासाठी ७५‎ ग्रामपंचायतींमध्ये गुरुवार १८ मे रोजी सकाळी ७.३० ते सायंकाळी‎ ५.३० वाजेपर्यंत मतदान होईल. दुसऱ्या दिवशी १९ मे रोजी मतमोजणी‎ करून निकाल जाहीर करण्यात येणार आहे.‎