आपला दवाखाना:नागरी आरोग्यवर्धिनी केंद्रांचा विस्तार; गरजूंना‎ घराजवळ मिळणार अद्ययावत आरोग्य सुविधा‎

अमरावती‎ गरीब व गरजू रुग्णांसाठी राज्यात ‎ठिकठिकाणी ‘हिंदुहृदयसम्राट बाळासाहेब ठाकरे आपला ‎दवाखाना’चा डिजिटल अनावरण सोहळा मुख्यमंत्री एकनाथ शिंदे‎ यांच्या हस्ते झाला. अमरावती येथे ‎चपराशीपुरा परिसरातील उर्दू ‎विद्यालयात जि. प. मुख्य कार्यकारी‎ अधिकारी अविश्यांत पंडा,‎ महानगरपालिका आयुक्त डॉ. प्रवीण‎ आष्टीकर यांच्या हस्ते आपला‎ दवाखान्याचा शुभारंभ झाला.‎

राज्यात ३४२ ठिकाणी महाराष्ट्र‎ दिनाच्या मुहूर्तावर आपला दवाखाना‎ उपक्रमाचा प्रारंभ झाला. अमरावती‎ येथील कार्यक्रमाला अतिरिक्त‎ जिल्हाधिकारी रामदास सिद्धभट्टी,‎ सहायक जिल्हाधिकारी तथा‎ उपविभागीय अधिकारी रिचर्ड‎ यांथन, जिल्हा शल्य चिकित्सक डॉ.‎ प्रमोद निरवणे,आदी मनपा‎ कर्मचारी उपस्थित होते.‎

सुविधांचा मिळणार लाभ

आपला दवाखाना उपक्रमामुळे‎ गोरगरीब, कष्टकरी, तसेच‎ झोपडपट्टी भागात राहणाऱ्या‎ नागरिकांना मोफत तपासणी, मोफत‎ उपचार या आरोग्य सुविधांचा लाभ‎ मिळणार आहे. प्रत्येक तालुक्यात‎ एक दवाखाना उघडण्यात येत आहे.‎ या दवाखान्यामुळे गोरगरिबांसाठी‎ एक उत्तम आरोग्य सुविधा निर्माण‎ झाली आहे, असे प्रतिपादन मुख्य‎ कार्यकारी अधिकारी पंडा यांनी‎ केले.‎ या दवाखान्यात विविध‎ आजारांवरील उपचारांसह‎ डोळ्यांची तपासणी, मानसोपचार,‎ लसीकरण, औषधोपचार अशा‎ विविध सुविधा उपलब्ध असतील,‎ अशी माहिती डॉ. ढोले यांनी दिली.‎

दवाखाने आधुनिक तंत्रज्ञानाने‎ स्‍मार्ट बनविणे, सातत्‍यपूर्ण व‎ गुणवत्‍तापूर्ण आरोग्‍य सेवा, विविध‎ रोगांच्‍या प्रादुर्भावाचे निरीक्षण आणि‎ नियंत्रण, सुलभ व परवडणारी‎ दर्जेदार आरोग्‍य सेवा, शहरी‎ भागातील गरीब रुग्‍णांसाठी सुविधा‎ उपलब्‍ध राहणार आहे. तसेच बाह्य‎ रुग्‍ण सेवा, मोफत औषधोपचार,‎ मोफत तपासणी, टेली कन्‍सल्‍टेशन,‎ महिन्‍यातून निश्चित दिवशी नेत्र‎ तपासणी, एक्‍स-रे साठी संदर्भ‎ सेवा, गर्भवती मातांची तपासणी,‎ लसीकरण अशा सुविधा या‎ केंद्रातून मिळणार आहे.

येथे‎ वैद्यकीय अधिकारी, स्‍टाफ नर्स,‎ बहुउद्देशीय कर्मचारी, मदतनीस‎ उपलब्‍ध राहणार आहेत. बाह्यरुग्‍ण‎ सेवा दुपारी २.०० ते रात्री १०.००‎ वाजेपर्यंत राहणार आहे.या‎ कार्यक्रमाला अनेक मान्यवर‎ उपस्थित होते.‎