राजकीय:अमरावती लोकसभेची जागा काँग्रेसनेच लढवावी;‎ किशोर बोरकर यांची मुंबईतील बैठकीत मागणी

अमरावती‎ महाराष्ट्र प्रदेश काँग्रेस कमिटीच्या विस्तारित कार्यकारिणीच्या टिळक‎ भवन, दादर येथील मुख्यालयात‎ झालेल्या बैठकीत लोकसभा व ‎विधानसभेच्या जागा वाटपावर चर्चा ‎झाली. अमरावती लोकसभेची जागा‎ ही अनुसूचित जातीसाठी आरक्षित‎ असून ती मूळ काँग्रेस पक्षाची आहे. ‎ ‎

महाविकास आघाडीतील घटक पक्षांकडे स्थानिक स्तरावरील‎ उमेदवार नाही. त्यांना बाहेरून उमेदवार‎ आयात करावा लागतो. निवडणूक‎ आल्यावर उमेदवार स्वताच निर्यात‎ होतो काँग्रेस पक्षाकडे स्थानिक‎ स्तरावर सक्षम व प्रबळ उमेदवार‎ आहेत. त्यामुळे अमरावती‎ लोकसभेची जागा काँग्रेसनेच‎ लढवावी अशी आग्रही मागणी प्रदेश‎ काँग्रेस सरचिटणीस किशोर बोरकर‎ यांनी केली.‎

मागील २५ वर्षांपासून अमरावती‎ लोकसभा मतदारसंघात काँग्रेस‎ पक्षाचे पंजा चिन्हच नसल्याने यांचा‎ परिणाम विधानसभेत झालेला आहे.‎ काँग्रेस पक्षाची विचारधारा छत्रपती‎ शिवाजी महाराज, मौलाना अब्दुल‎ कलाम आझाद व राजर्षी शाहू‎ महाराज, महात्मा ज्योतिबा फुले, डाॅ.‎ बाबासाहेब आंबेडकर यांची असून या‎ विचाराचा उमेदवार पक्षाने दिल्यास‎ अमरावती लोकसभा मतदारसंघात‎ सामाजिक न्यायाचा संदेश जाईल.‎

असे वस्तुस्थिती दर्शक प्रभावी मुद्दे‎ बोरकर यांनी बैठकीत मांडून सर्व‎ ज्येष्ठ नेत्यांचे लक्ष वेधले. त्यांच्या या‎ भूमिकेस पदाधिकारी, नेते व‎ कार्यकर्त्यांनी जोरदार प्रतिसाद दिला. या बैठकीला प्रदेशाध्यक्ष नाना‎ पटोले,माजी मुख्यमंत्री पृथ्वीराज‎ चव्हाण, विधिमंडळ पक्ष नेते‎ बाळासाहेब थोरात, माजी मंत्री‎ डॉ.नितिन राऊत, माजी मंत्री अ‍ॅड,‎ यशोमती ठाकूर, चंद्रकांत हंडोंरे,‎ नसीम खान, प्रदेश काँग्रेसचे प्रवक्ते‎ अ‍ॅड.दिलीप एडतकर, पक्षाचे‎ पदाधिकारी उपस्थित होते.‎प्रदेश काँग्रेस कमिटीच्या बैठकीत मागणी करताना सरचिटणीस किशोर बोरकर.‎