नुकसान:अचलपुरात अवकाळी पावसाने 211 हेक्टरवरील गहू, कांद्यांचे नुकसान‎

अमरावती‎ मागील दहा दिवसांपासून अवकाळी‎ पावसाची संततधार सुरू असून,‎ दरदिवशी कोणत्या तरी भागात‎ कोसळून पिकांचे नुकसान सुरू‎ आहे. दरम्यान ३ मे रोजी अचलपूर‎ तालुक्यात पुन्हा एकदा पाऊस‎ बरसला आणि २११ हेक्टरमधील‎ कांदा आणि गहू पिकाचे नुकसान‎ झाले आहे.

दरम्यान सध्या‎ असलेल्या पावसाळी‎ वातावरणामुळे गुरूवारी (दि. ४)‎ शहरात पारा ३३.५ अंश होता.‎ दरवर्षी मे महिन्यात जिल्ह्यात‎ उन्हाचा कहर सुरू असतो.‎ दरदिवशी तापमान ४५ अंश किंवा‎ त्यापेक्षा अधिक राहते. मात्र, यावर्षी‎ मागील दहा दिवसांपासून दरदिवशी‎ ढगाळ वातावरण आणि‎ पावसाळ्याप्रमाणे अधूनमधून‎ पावसाच्या सरी वादळासह हजेरी‎ लावत आहे. त्यामुळे सध्या‎ दिवसाचा पारा ३३ अंशाच्या‎ आसपास आहे.‎ सततच्या या अवकाळी‎ पावसामुळे रब्बी पिकांचे तसेच‎ पशुधनांचे मोठ्या प्रमाणात नुकसान‎ होत आहे याचवेळी घरांचेही‎ नुकसान झाले आहेत.‎