दिव्य मराठी विशेष:रिकर्व्ह गटात अमरावतीच्या महिलांनी पटकावले सुवर्ण‎

महाराष्ट्र मिनी ऑलिम्पिकच्या शुक्रवार ६‎ रोजी पहिल्याच दिवशी अमरावतीच्या‎ महिलांनी अप्रतिम कामगिरी करताना‎ रिकर्व्ह सांघिक गटात नाशिकला नमवून‎ सुवर्णपदक पटकावले. अहमदनगरने‎ कांस्यपदक जिंकले.‎ संत गाडगेबाबा अमरावती‎ विद्यापीठापुढील देशातील सर्वोत्तम आर्चरी‎ रेंजवर सुरू असलेल्या या स्पर्धेतील रिकर्व्ह‎ प्रकारात अमरावती महिला संघाने‎ एलिमिनेेशन राउंडमध्येच अचूक लक्ष्यभेद‎ करून सामने जिंकले व अंतिम फेरीत‎ धडक दिली.

फायनलमध्ये अमरावतीच्या‎ मंजिरी अलोणे, अवंती काळकोंडे, रिद्धी‎ पोटे, साक्षी तोटे यांनी अचूक तीर सोडून‎ नाशिकच्या महिलांना मात दिली. नाशिक‎ संघात नक्षत्रा खोडे, तनुश्री सोनावरे, चारुता‎ कमलापूर, मानसी थेटे यांचा समावेश होता.‎ या संघाला रौप्य पदकावर समाधान मानावे‎ लागले. अहमदनगरने कांस्यपदक‎ पटकावले.‎ अमरावती संघातील खेळाडू या अनुभवी‎ व राष्ट्रीय, आंतरराष्ट्रीय स्पर्धांचा अनुभव‎ असलेल्या निष्णात तिरंदाज असून या‎ चारही खेळाडूंनी उत्कृष्ट कामगिरीसह‎ स्पर्धा गाजवल्या आहेत.

ओव्हर ऑल‎ प्रकारात मात्र अमरावतीला अपयशाचा‎ सामना करावा लागला. भारतीय धनुर्विद्या‎ संघटनेचे महासचिव प्रमोद चांदोरकर‎ यांच्या मार्गदर्शनात सुरू असलेल्या या‎ स्पर्धेत स्पर्धा संचालक सोनल बुंदीचे तर‎ रिझल्ट इन्चार्ज अशोक जंगमे, सूरज‎‎‎‎‎‎‎‎‎‎‎‎ खेडकर आहेत. कम्पाउंड प्रकारातील‎ सांघिक गटात पुणे संघाने पहिला, सातारा‎ संघाने दुसरा तर अकोला संघाने तिसरा‎ क्रमांक पटकावला.

पुरुषांच्या रिकर्व्ह‎ सांघिक प्रकारात नाशिक संघाने प्रथम स्थान‎ पटकावले. या संघातील गौरव लांबे,‎‎‎‎‎‎‎‎‎‎‎‎ कुणाल पवार, सुनील पवार आणि अर्जुन‎ सोनवणे यांनी उत्कृष्ट खेळ केला. मात्र,‎ यजमान अमरावतीच्या महिला खेळाडूंनी‎ देखणी कामगिरी करून सर्वांचे लक्ष वेधले.‎ त्यामुळे सुरुवातीपासूनच या खेळाडू यश‎ मिळवतील अशी आशा वाटायला लागली.‎‎‎‎‎‎‎‎‎‎‎‎‎‎‎ अगदी अंतिम सामन्यापर्यंत कामगिरी तील‎ सातत्य कायम ठेवत अमरावतीच्या महिला‎ खेळाडूंनी बाजी मारली.‎

प्रथमच मोठया रेंजर खेळण्याची‎
ऑलिम्पिक नियमानुसार तयार करण्यात‎ आलेल्या देशातील सर्वोत्तम आर्चरी रेंजर‎ प्रथमच खेळण्याची संधी राज्यभरातील‎ खेळाडूंना मिळाली. या संधीचा लाभ त्यांनी‎ भविष्यातील मोठया स्पर्धांसाठी होणार आहे.‎ कारण या रेंजर एकाचवेळी ३२ खेळाडू ३२‎ टार्गेटवर तीर सोडत आहेत. हे दृश्य फारच‎ मनोहारी दिसत असून त्यामुळे या स्पर्धेचे‎ आकर्षण आणखी वाढल्याची माहिती आयचे‎ महासचिव प्रमोद चांदोरकर व एमएडचे‎ अध्यक्ष अॅड. प्रशांत देशपांडे यांनी दिली.‎