आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

चाकूने गळा कापला:मैत्रिणीवरून वाद विकोपाला;‎ मित्रानेच कापला मित्राचा गळा‎

अमरावती‎एका महिन्यापूर्वी
  • कॉपी लिंक

अमरावती ते बडनेरा जुन्या बायपास‎ मार्गावर गुरुवारी (दि. ५) दुपारी बारा‎ वाजेच्या सुमाराचे एका वीस वर्षीय‎ तरुणाने परिचित असलेल्या मित्राचा‎ नेलकटरमधील चाकूने गळा कापला‎ आहे. हा वाद मैत्रिणीसाठी झाल्याची‎ माहिती समोर आली असल्याचे‎ राजापेठ पोलिसांनी सांगितले आहे.‎ याप्रकरणी गळा कापणाऱ्या तरुणाला‎ राजापेठ पोलिसांनी अटक केली‎ आहे. तर जखमी तरुणावर उपचार‎ सुरू आहेत.‎ रुद्रेश ऊर्फ अजय शैलेश दीक्षित‎ (२०, रा. एमआयडीसी परिसर,‎ अमरावती) असे जखमी तर हर्ष‎ शर्मा असे चाकू मारणाऱ्या तरुणाचे‎ नाव आहे.

रुदेश आणि हर्ष हे‎ एकमेकांच्या परिचित असून, या‎ दोघांसह अन्य एक २० वर्षीय तरुणी‎ हे तिघेही आठवीपर्यंत एकाच‎ शाळेत सोबत शिकले आहेत. आता‎ रुद्रेश ‘एचव्हीपीएम’मध्ये‎ अभियांत्रिकीच्या द्वितीय वर्षाला‎ शिकतो आहे तर हर्ष हा बियाणी‎ महाविद्यालयात पदवीच्या अंतिम‎ वर्षाला असून, तरुणी शहरातच एका‎ महाविद्यालयात बीएससी करत‎ आहे. दरम्यान, तरुणी आणि हर्ष‎ एकमेकांचे चांगले मित्र आहेत.‎ मात्र, मागील काही दिवसांपासून‎ रुद्रेशसुद्धा तरुणीने आपल्याशी मैत्री‎ करावी, यासाठी प्रयत्न सुरू केले‎ आहे. त्यामुळे अनेकदा तो तरुणीचा‎ पाठलाग करत असल्याचे पोलिसांनी‎ सांगितले. दरम्यान, ही बाब तरुणीने‎ हर्षला सांगितली. त्यामुळे हर्षने‎ यापूर्वी रुद्रेशला समजावले आहे.‎

याच कारणावरुन हर्ष आणि रुद्रेश‎ यांच्यात यापूर्वी शाब्दिक वाद झाला‎ आहे. दरम्यान आज रुद्रेश तरुणीच्या‎ घराकडे गेला असता त्याच भागात‎ हर्षसुद्धा गेला होता. या दोघांची भेट‎ झाली व त्याच कारणावरुन‎ दोघांमध्ये चर्चा सुरू झाली. चर्चेचे‎ रुपांतर वादात झाले. त्यानंतर हर्षने‎ जवळच्या नेलकटरमधील चाकू‎ काढला आणि थेट रुद्रेशच्या‎ गळ्यावर वार केला. हा चाकू फार‎ धारदार नसला तरीही गळा कापल्या‎ गेला. त्यामुळे रुद्रेशचा गळा चिरल्या‎ गेला. याचवेळी त्या ठिकाणाहून‎ जाणाऱ्या दोन वाहतूक पोलिसांना हा‎ प्रकार लक्षात आला. त्यांनी तत्काळ‎ धाव घेऊन हर्षला ताब्यात घेतले व‎ रुद्रेशला रुग्णालयात पाठवले. या‎ प्रकरणी राजापेठ पोलिसांनी हर्ष‎ शर्माविरुद्ध गुन्हा दाखल करुन‎ अटक केलीआहे‎

बातम्या आणखी आहेत...