शेतकऱ्यांची मागणी:अंजनगाव-दर्यापूर तालुका; मूग, उडीद‎ पीकविम्याची रक्कम खात्यात जमा करा‎

अंजनगाव सुर्जी व दर्यापूर तालुक्यात‎ उडीद व मुग या पिकांचा मंजूर असलेल्या‎ पिक विम्याची रक्कम त्वरित शेतकऱ्यांच्या ‎खात्यात जमा करावी, अशी मागणी ‎ ‎ बाळासाहेबांची शिवसेना पक्षाचे जिल्हा‎ प्रमुख गोपाल पाटील अरबट यांनी जिल्हा‎ कृषी अधिकारी यांच्याकडे निवेदनाद्वारे‎ केली आहे.‎ गेल्या खरीप हंगामात दर्यापूर तालुक्यात १२०० हेक्टर क्षेत्रावर तुरीची, तर ७४०४ ‎हेक्टरवर मूग, ७२७१ हेक्टर क्षेत्रात उडीद‎ आणि १४,२२८ हेक्टर क्षेत्रावर सोयाबीन ‎पिकांची पेरणी करण्यात आली होती, तर‎ अंजनगाव सुर्जी तालुक्यामध्ये तूर ८१५०‎ हेक्टरवर, मूग १६७ हेक्टर, उडीद ३२४‎ हेक्टर, सोयाबीन १४६८४ हेक्टर व कपासी‎ १८२७३ हेक्टर क्षेत्रावर पेरणी करण्यात‎ आल होती. याशिवाय अंजनगाव‎ तालुक्यात ३३०० हेक्टर क्षेत्रावर संत्रा व‎ केळीच्या बागादेखील आहेत.‎

अतिवृष्टीमुळे या सर्वच पिकांचे कमी‎ जास्त प्रमाणात नुकसान झालेले असल्याने‎ याची पण नुकसान भरपाई शेतकऱ्यांना‎‎ मिळण्यात यावी, अशी मागणी या वेळी‎ कृषी अधिकाऱ्यांना दिलेल्या निवेदनाद्वारे‎ करण्यात आली. दर्यापूर व अंजनगाव‎ तालुक्यातील या वर्षी खरीप हंगामात‎ एकूण ६१४ मिलीमीटर पाऊस झाला. गेल्या‎ ऑगस्ट महिन्यापर्यंत ४६३ मिलीमीटर‎ पाऊस झाला होता. ऑगस्ट महिन्यात‎ झालेल्या सततच्या पावसामुळे अंजनगाव‎ व दर्यापूर या दोन्ही तालुक्यामधील मूग,‎ उडीद, सोयाबीन, संत्रा, केळी, ज्वारी, तूर‎ या पिकांचे अतोनात नुकसान झालेले ‎आहे.

या बाबत निवेदनकर्त्यांद्वारे राज्याचे‎ कृषीमंत्री अब्दुल सत्तार यांना लेखी‎ पत्राद्वारे तसेच प्रत्यक्ष भेटून माहिती देण्यात‎ आली.‎ सततच्या पाठपुराव्यामुळे कृषीमंत्री‎ अब्दुल सत्तार यांनी शेतकऱ्यांना नुकसान‎ भरपाई मिळवून देण्यासाठी विमा‎ कंपन्यांसोबत बैठका घेऊन दर्यापूर व‎ अंजनगाव या दोन्ही तालुक्यांमध्ये मूग व‎ उडीद पिकांसाठी विमा मंजूर करून‎ घेतला आहे. विम्याची रक्कम त्वरित १५‎ दिवसांच्या आतमध्ये शेतकऱ्यांच्या‎ खात्यामध्ये जमा करण्यात यावी, अशी‎ मागणी या वेळी करण्यात आली.‎ नुकसान झाल्यावर एक महिन्यात‎ नुकसान भरपाई मिळायला पाहिजे होती.‎ परंतु, नवीन वर्ष सुरू झाले, तरी‎ अद्यापपर्यंत पीक विमा जमा झाला नाही.‎ याकडे कृषी विभागाने तातडीने लक्ष‎ द्यावे, अशी मागणीही या प्रसंगी कृषी‎ अधिकाऱ्यांना दिलेल्या निवेदनातून‎ करण्यात आली.‎

आंदोलनाचा दिला इशारा‎ तातडीने मूग व उडीदाच्या पिक विम्याची‎ रक्कम शेतकऱ्यांच्या खात्यात जमा न‎ झाल्यास जिल्हा कृषी कार्यालयात आंदोलन‎ छेडण्यात येईल , त्याची सर्वस्वी जबाबदारी‎ जिल्हा कृषी अधिकारी म्हणून आपणावर‎ राहील, असा इशारा निवेदनाच्या माध्यमातून‎ शिंदे गट जिल्हा प्रमुख गोपाल पाटील अरबट‎ यांनी जिल्हा कृषी अधिकारी यांना दिला‎ आहे. निवेदन देतेवेळी उपजिल्हाप्रमुख‎ सुनील केने, शरद आठवले, अॅड. व्ही. एन.‎ देशपांडे आदी उपस्थित होते.‎