अटीतटीच्या झालेल्या निवडणुकीत मते ठरली अवैध‎:अंजनगाव सुर्जी किसान जिनिंग प्रेसिंग‎ निवडणुकीत सहकार पॅनलचे वर्चस्वF

येथील किसान जिनिंग अ‍ॅण्ड प्रेसिंग‎ सहकारी संस्थेच्या संचालक पदाचा‎ निवडणुकीचा निकाल घोषित झाला‎ असून त्यात सहकार पॅनलने‎ परिवर्तन पॅनेलला मात देत आपले‎ वर्चस्व मिळवले. सहकारावरच्या‎ वर्चस्वाच्या या निवडणुकीमध्ये‎ सहकार व परिवर्तन या दोन‎ पॅनलमध्ये अटीतटीची लढत झाली.‎ संचालक पदाच्या १९ जागांच्या‎ निवडणुकीसाठी दोन्ही पॅनलमधील‎ दिग्गज एकमेकांविरोधात उभे‎ ठाकले होते. त्यामुळे या‎ निवडणुकीला तालुक्यात चांगलेच‎ महत्त्व प्राप्त झाले होते. १९ संचालक‎ मंडळाच्या निवडणुकीत वैयक्तिक‎ मतदार संघातून ७, सहकारी संस्था‎ मतदार संघातून ७, महिला मतदार‎ संघातून २, इतर मागासवर्गीय‎ मतदार संघातून १, भटक्या विमुक्त‎ जमातीमधून १, अनु/जाती‎ जमातीमधून १ असे उमेदवार‎ निवडूण द्यावयाचे होते.

त्यामध्ये‎ सहकार पॅनलचे ११ व परिवर्तन‎ पॅनलचे ८ उमेदवार निवडूण आले‎ असून, सर्वसाधारण प्रतिनिधी‎ वर्गातून सहकार पॅनलचे एक‎ वगळून सर्व उमेदवार, तर सेवा‎ सहकारी संस्थेमधून परिवर्तन‎ पॅनलचे सर्व प्रतिनिधी निवडूण‎ आले. त्यामुळे जिनिंग प्रेसिंगवर‎ आपले वर्चस्व राहावे, यासाठी‎ आणि निवडून येण्यासाठी चांगलीच‎ फिल्डींग लावली होती. या‎ मतमोजणीच्या वेळी क्राॅस व्होटिंग‎ करणाऱ्यांची संख्या वाढलेली‎ आढळली. एकूण १५९७ मतापैकी‎ १३७ मते अवैध ठरली. निवडणूक‎ निर्णय अधिकारी म्हणून गणेश‎ कुकडे यांनी काम पाहिले.‎