दिव्य मराठी विशेष:अर्जुननगर ते सोनल कॉलनी रस्ता ‘खड्ड्यात'',‎ ‘प्रहार’चा शहर अभियंता कक्षात ठिय्या‎

शेगाव (सोनल कॉलनी) ते‎ अर्जुननगर हा मार्ग मागील‎ दिड वर्षांपासून अतिशय‎ खड्डेमय झाला आहे. या‎ रस्त्याच्या दुरुस्तीसाठी‎ ‘प्रहार’ने मनपा प्रशासनाला‎ निवेदन दिले आहे, मात्र‎ तरीही मनपाकडून या‎ रस्त्याची दुरुस्ती करण्यात‎ आली नाही. अखेर सोमवारी‎ (दि. ६) ‘प्रहार’च्या‎ कार्यकर्त्यांनी मनपा शहर‎ अभियंत्यांच्या दालनात ठिय्या‎ दिला आहे. रस्त्याचे काम‎ सुरू होईस्तोवर दालनातून‎ उठणार नाही, अशी भूमिका‎ आंदोलकांनी घेतली आहे.‎ शेगाव ते रहाटगाव या‎ मुख्य रस्त्यापासून नागपूर‎ महामार्गाला जोडणारा व‎ दररोज हजारो नागरिकांची‎ वर्दळ असलेला सोनल‎ कॉलनी ते अर्जुननगर‎‎‎‎‎‎‎‎‎‎‎ मार्गातील सुमारे एक‎ किलोमीटर मार्ग मागील दिड‎ वर्षांपासून अतिशय वाईट‎ स्थितीत आहे.

मात्र त्या‎ रस्त्याची दुरुस्ती मनपाकडून‎ झाली नाही. या रस्त्यांवर‎ पावसाळ्यानंतर काही‎ ठिकाणी मोठ मोठ्या‎ खड्ड्यांमध्ये खडी टाकली‎ होती. मात्र ती खडी आता‎ खड्ड्यांच्या बाहेर पडली आहे.‎ त्यामुळे नव्याने खड्डे तयार‎ झालेच आहे, तसेच खडी‎ रस्त्यावर आल्यामुळे दुचाकी‎ चालकांसाठी अतिशय‎‎‎‎‎‎‎‎‎‎‎ धोकादायक झाला आहे. या‎ मार्गावर दरदिवशी दुचाकी‎ घसरल्याने किंवा खड्ड्यांमुळे‎ दुचाकी अनियंत्रित होवून‎ किरकोळ स्वरूपाचे अपघात‎ होत आहेत, मात्र मनपा‎ प्रशासनाकडून अजूनही या‎ रस्त्याच्या कामाचा‎ ‘श्रीगणेशा’ झाला नाही.‎

सदर रस्त्याचे काम पुर्ण‎ करुन ये- जा करणाऱ्या‎ वाहनचालकांना दिलासा‎ देण्याची, मागणी ‘प्रहार’ने‎ निवेदनाद्वारे मनपा प्रशासनाला‎ यापूर्वीच केली होती. मात्र‎ मनपा प्रशासनाकडून‎ कोणतीही दखल न घेता‎ रस्त्याचे काम करण्यात आले‎ नाही. दुसरीकडे नागरिकांना‎ होत असलेल्या प्रचंड‎ त्रासाची दखल ‘प्रहार’ने‎ घेतली आणि ‘प्रहार’चे‎ संपर्कप्रमुख चंदू खेडकर‎ त्यांच्या सहकारी पदाधिकारी‎ कार्यकर्त्यांसह मनपा शहर‎ अभियंता इक्बाल खान यांच्या‎ दालनात सोमवारी (दि. ६)‎ सकाळी साडेअकरा वाजता‎ पासून ठिय्या दिला आहे. या‎ रस्त्याचे‎ काम सुरू येईस्तोवर आम्ही‎ दालनातून हलणार नाही,‎ अशी आक्रमक भूमिका प्रहार‎ कार्यकर्त्यांनी घेतली आहे.‎ यावेळी खेडकर यांच्यासह‎ गुड्डू ढोरे, सचिन कथलकर,‎ सागर बावनवाकडे, दिनेश‎ वानखडे, दिनेश बोंडे, बंडू‎ इंगळे, रामकृष्ण गोरडे हे‎ सहभागी झाले आहे.‎