कृषी महोत्सव:उपमुख्यमंत्र्यांच्या ताफ्यासमोर कापूस, कांदे फेकण्याचा‎ प्रयत्न; स्वाभिमानी शेतकरी संघटनेचे कार्यकर्ते ताब्यात‎

कृषी महोत्सवाच्या समारोपीय‎ कार्यक्रमाकरिता आलेले उपमुख्यमंत्री‎ तथा पालकमंत्री देवेंद्र फडणवीस यांच्या‎ ताफ्यासमोर स्वाभिमानी शेतकरी‎ संघटनेच्या कार्यकर्त्यांनी कांदे व कापूस‎ फेकण्याचा प्रयत्न केला असता आधीच‎ पोलिसांनी त्यांना ताब्यात घेतले. दरम्यान‎ त्यांनी कृषी महोत्सव सुरू असलेल्या‎ सायन्सकोर मैदाना समोर‎ पालकमंत्र्यांविरोधात निदर्शने केली.‎ उपमुख्यमंत्री देवेंद्र फडणवीस यांचा‎ रविवारी अमरावती दौरा होता.

त्यामुळे‎ त्यांच्या वाहनांचा ताफा संत ज्ञानेश्वर‎ सांस्कृतिक भवन येथून कार्यक्रम‎‎‎‎‎‎‎‎‎‎‎‎ संपल्यावर सायन्सकोर मैदान येथील‎ कृषी महोत्सवाकडे वळला. दुपारी १.१५‎ वाजताच्या सुमारास उपमुख्यमंत्र्यांच्या‎ वाहनांचा ताफा सायन्सकोर येथे‎ पोहोचताच स्वाभिमानी शेतकरी‎‎‎‎‎‎‎‎‎‎‎‎ संघटनेच्या संतप्त कार्यकर्त्यांनी‎ खिश्यात भरून आणलेले कांदे व‎ कापूस रस्त्यावर फेकण्याच्या प्रयत्नात‎ असतानाच पोलिसांनी कार्यकर्त्यांना‎ ताब्यात घेतले.

यावेळी त्यांच्या जवळून‎ काळे झेंडेदेखील जप्त करण्यात आले.‎ कापूस व सोयाबिनला भाव मिळावा,‎ पिक विम्याचे पैसे शेतकऱ्यांच्या खात्यात‎ जमा करावे तसेच अतिवृष्टीची मदत‎ द्यावी या मागण्यांसह बुलडाणा जिल्ह्यात‎ स्वाभिमानी शेतकरी संघटनेच्या‎ पदाधिकाऱ्यांवर लाठीचार्ज केल्याचा‎ निषेध कार्यकर्त्यांनी पालकमंत्र्यांच्या‎ विरोधात घोषणाबाजी केली. संघटनेचे‎ जिल्हाध्यक्ष अमित अढाऊ यांच्या‎ नेतृत्वात हे आंदोलन करण्यात आले.‎ यावेळी पोलिसांनी कपिल पडघान,‎ चांदूर रेल्वे तालुकाध्यक्ष प्रशांत‎ शिरभाते, दिनेश आमले, अनिल पवार,‎ सतीश शेळके, अरिहंत देशमुख,‎ अनिकेत बनसोड यांना ताब्यात घेतले.‎