आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पत्रकार संघाचा उपक्रम‎:चिंचाळकर, कथलकर, मोहोड,‎ लावरे यांचा पुरस्काराने सन्मान‎

अमरावती‎एका महिन्यापूर्वी
  • कॉपी लिंक

अमरावती श्रमिक पत्रकार संघातर्फे‎ शुक्रवार,दि. ६ जानेवारीच्या पत्रकार‎ दिनानिमित्त शहरातील चार‎ पत्रकारांना पुरस्कार देऊन सन्मानित‎ करण्यात आले. जिल्हाधिकारी‎ पवनीत कौर यांच्या हस्ते हे पुरस्कार‎ देण्यात आले. ११ हजार रुपये रोख,‎ सन्मानचिन्ह, शाल, श्रीफळ व एक‎ वर्षाचे विमा कवच असे या‎ पुरस्कारांचे स्वरुप आहे. या पुरस्कार‎ योजनेची जिल्हाधिकारी यांनी‎ तोंडभरुन प्रशंसा केली.‎

श्रमिक पत्रकार संघाचे अध्यक्ष‎ गोपाल हरणे यांच्या अध्यक्षतेखाली‎ पार पडलेल्या या कार्यक्रमाला प्रभारी‎ माहिती उपसंचालक हर्षवर्धन पवार,‎ पुरस्कारांचे प्रायोजक ज्येष्ठ पत्रकार‎ अॅड. दिलीप एडतकर, विलास‎ मराठे, अभिराम देशपांडे आदी प्रमुख‎ अतिथी म्हणून उपस्थित होते.‎ यावेळी ‘दिव्य मराठी’चे प्रतिनिधी‎ वैभव चिंचाळकर यांना बाळासाहेब‎ व डॉ. अरुण मराठे स्मृती‘प्रभावी’‎ पत्रकारिता, शंशाक लावरे यांना‎ लक्षवेधी तर महेश कथलकर यांना‎ ममता एडतकर स्मृती उत्कृष्ट‎ पत्रकारिता तर गजानन मोहोड यांना‎ अनिल कुचे स्मृती शोध‎ पत्रकारितेचा पुरस्कार प्रदान‎ करण्यात आला.‎

जिल्हाधिकारी पवनीत कौर‎ यावेळी म्हणाल्या, पत्रकारांवर‎ महत्त्वाची जबाबदारी असून त्यांना‎ नेहमी सामाजिक जाणीवेने काम‎ करत जनजागृती करावी लागते.‎ प्रशासनालाही त्यांच्या माध्यमातूनच‎ कामाची दिशा कळते. पुढे बोलताना‎ विद्यार्थीदशेत वृत्तपत्रांच्या माध्यमातून‎ आपणास शिक्षणही मिळाले, याचा‎ त्यांनी गौरवपूर्ण शब्दांत उल्लेख‎ केला.‎

जिल्हा माहिती अधिकारी‎ हर्षवर्धन पवार तसेच महावितरणचे‎ फुलसिंग राठोड, महापालिकेचे भूषण‎ पुसतकर व विद्यापीठाचे जनसंपर्क‎ अधिकारी डॉ. विलास नांदुरकर‎ अशा चार सदस्यीय समितीने‎ पुरस्कारर्थींची निवड केली. यावेळी‎ पवार यांनी पत्रकार निवडीची प्रक्रिया‎ व शुभेच्छापर संबोधन केले.‎ अध्यक्षीय भाषणातून हरणे यांनी‎ पत्रकार संघाच्या एकूण वाटचालीचा‎ आलेख मांडतानाच पत्रकारांच्या‎ समस्यांबाबत प्रशासनाकडून‎ सहकार्याची अपेक्षा व्यक्त केली.‎ प्रारंभी दर्पणकारांना पुष्पांजली‎ वाहून अभिवादन करण्यात आले.‎ प्रास्ताविक पत्रकार संघाचे सचिव‎ रवींद्र लाखोडे यांनी केले.

पुरस्कार‎ वितरणाबाबतची मांडणी कोषाध्यक्ष‎ गिरीश शेरेकर यांनी केली. संचालन‎ कार्यकारिणी सदस्य शैलेश धुंदी यांनी‎ केले. आभार कार्यकारिणी सदस्य‎ कृष्णा लोखंडे यांनी मानले. संघाचे‎ उपाध्यक्ष अमोल इंगोले, कार्यकारिणी‎ सदस्य संतोष तापकिरे, प्रवीण‎ कपिले, प्रदीप भाकरे, संदीप शेंडे,‎ भय्या आवारे यांनी स्वागत केले.‎

बातम्या आणखी आहेत...