क्रीडा:‘समाजकल्याण’च्या विभागीय‎ कला व क्रीडा स्पर्धा उत्साहात‎ ; नवबौद्ध घटकांच्या निवासी शाळांचा समावेश‎

समाजकल्याण विभागाच्या विभागीय कला व‎ क्रीडा स्पर्धा वाशीमच्या जिल्हा क्रीडा‎ संकुलात २८ जानेवारी रोजी पार पडल्या.‎ अमरावती विभागाचे समाजकल्याण‎ प्रादेशिक उपायुक्त सुनील वारे यांच्या‎ अध्यक्षतेखाली आयोजन करण्यात आले.‎ प्रमुख पाहुणे म्हणून यवतमाळ समाज‎ कल्याणचे सहायक आयुक्त भाऊराव‎ चव्हाण, अमरावती समाज कल्याण आयुक्त‎ माया केदार, बुलडाणा समाज कल्याण‎ सहायक आयुक्त डॉ. अनिता राठोड,‎ अकोलाचे समाज कल्याण आयुक्त राजेंद्र‎ जाधव यांची उपस्थिती होती.‎ कार्यक्रमाचे संयोजक सहायक आयुक्त‎ मारोती वाठ होते. प्रारंभी मान्यवरांच्या हस्ते‎ महात्मा ज्योतिबा फुले, राजर्षी शाहू महाराज‎ व डॉ. बाबासाहेब आंबेडकर यांच्या प्रतिमेचे‎ पूजन करून दीप प्रज्वलन करण्यात आले.‎ यावेळी सुरकुंडी येथील शासकीय निवासी‎ शाळेचे मुख्याध्यापक ए. आर. भगत यांनी‎ कला व क्रीडा अविष्कार स्पर्धाबाबत‎ प्रास्ताविक केले.‎ श्री. वारे म्हणाले की, अमरावती समाज‎ कल्याण विभागांतर्गत २७ अनुसूचित जाती व‎ नवबौद्ध घटकांच्या मुला-मुलींच्या शासकीय‎ निवासी शाळा आहेत.

या शाळांमधील‎ विद्यार्थ्यांच्या सर्वांगीण विकासासाठी‎ विभागांतर्गत नवनवीन शैक्षणिक उपक्रम‎ राबवले जात आहे. त्याअंतर्गत समाज‎‎‎‎‎‎‎‎‎‎‎ कल्याण विभागाचे आयुक्त डॉ. प्रशांत‎ नारनवरे यांच्या संकल्पनेतून २०२२-२३ या‎ शैक्षणिक वर्षापासून विद्यार्थ्यांच्या‎ कलागुणांना वाव मिळावा तसेच क्रीडा नैपुण्य‎ विकसीत होण्यासाठी कला व क्रीडा‎ अविष्कार स्पर्धेचे आयोजन विभागाच्या‎ वतीने प्रथमच करण्यात आल्याचे सांगितले.‎ कला व क्रीडा स्पर्धेअंतर्गत विद्यार्थ्यांसाठी‎ भूमिका-अभिनय व लोकनृत्य स्पर्धा तसेच‎ धावण्याची स्पर्धा, लांब उडी, थाळीफेक,‎ रस्सीखेच व खो-खो या क्रीडा स्पर्धांचे‎ आयोजन करण्यात आले होते. अमरावती,‎ अकोला, यवतमाळ, बुलडाणा व वाशीम‎ जिल्ह्यातील सर्व निवासी शाळांमधून‎ जिल्हास्तरीय स्पर्धेतील विजयी स्पर्धक‎ यामध्ये सहभागी झाले होते.‎ समाज कल्याणचे आयुक्त नारनवरे यांच्या‎ संकल्पनेतून विभागात नवनवीन उपक्रम‎ राबवण्यात येत आहेत. विद्यार्थ्यांच्या सर्वांगीण‎ विकासाच्या दृष्टिने त्यांच्या शैक्षणिक‎ विकासासोबत शारिरीक व मानसिक विकास‎‎‎‎‎‎‎‎‎‎‎ साध्य करण्याकरता यावर्षी प्रथमच कला व‎ क्रीडा अविष्कार महोत्सवाचे आयोजन‎ करण्यात आले आहे. विभागीय स्तरावरील या‎ स्पर्धेमध्ये जवळपास ७५० विद्यार्थी सहभागी‎ झाले होते.

या स्पर्धेमुळे उत्साहाचे वातावरण‎ निर्माण झाले असल्याचे श्री. वारे यांनी‎ सांगितले. विजेत्या विद्यार्थ्यांचा‎ मान्यवरांच्या हस्ते गौरव करण्यात आले.‎ कार्यक्रमाकरीता अमरावती विभागातील सर्व‎ शासकीय निवासी शाळेतील मुख्याध्यापक,‎ शिक्षक, प्रादेशिक उपाआयुक्त, समाज‎ कल्याण कार्यालयातील कर्मचारी वर्ग,‎ शासकीय वसतिगृहातील गृहपाल, अमरावती‎ विभागातील क्षेत्रीय कार्यालयातील सर्व‎ कर्मचारी तसेच समाजकार्य‎ महाविद्यालयातील प्राचार्य, शिक्षक व‎ शिक्षकेतर कर्मचारी, विद्यार्थी व विद्यार्थीनी,‎ ब्रिक्स प्रा. लि. व क्रिस्टल कंपनीचे कर्मचारी‎ उपस्थित होते. सूत्रसंचालन प्रा. हिवरे यांनी‎ केले. आभार समाज कल्याण निरीक्षक संध्या‎ राठोड यांनी मानले.‎