रामकथा हे आमचे राष्ट्रीय चारित्र्य‎:उपमुख्यमंत्री देवेंद्र फडणवीस यांनी बडनेरात श्रवण केली रामकथा‎

रामकथा हे आमचे राष्ट्रीय‎ चारित्र्य व राष्ट्रीय संस्कार आहे.रामकथेत अवीट व अमिट‎ गोडवा असून आम्हा सर्वांना‎ सन्मार्ग दाखवणारी दाखविणारी‎ ही कथा आहे, असे‎ उपमुख्यमंत्री देवेंद्र फडणवीस‎ यांनी रविवारी (दि. ५) बडनेरा‎ येथे सांगितले. रविवारी उपमुख्यमंत्र्यांनी अमरावती दौऱ्यादरम्यान बडनेरा येथे जावून‎ माँ कनकेश्वरी यांच्या वाणीतून‎ सुरू असलेली रामकथा श्रवण‎ केली.‎

बडनेरा येथील मैदानावर‎ आयोजित माँ कनकेश्वरी देवी‎ जनकल्याण ट्रस्टतर्फे आयोजित‎ रामचरित मानस कथागंगा‎ संमेलनाला देवेन्द्र फडणवीस‎ यांनी भेट देऊन रामायण ग्रंथ व‎ माताजींचे दर्शन घेतले. खासदार‎ डॉ. अनिल बोंडे, आमदार प्रवीण‎ पोटे पाटील, दिनेश सूर्यवंशी,‎ शिवराय कुलकर्णी, किरण‎ पातूरकर यांच्यासह अनेक‎ मान्यवर यावेळी उपस्थित होते.‎ मां कनकेश्वरी व रामायणाचे‎ दर्शन घेण्याचे भाग्य आज‎ लाभले, अशी भावना‎ उपमुख्यमंत्र्यांनी यावेळी व्यक्त‎ केली.‎