निर्वचन:नायगाव बोर्डी येथे पंजाब, हरियाणा,‎ दिल्ली येथून भाविक झाले दाखल‎

अचलपूर तालुक्यातील नायगाव‎ बोर्डी येथे सुरू असलेल्या श्रीमद‎ महावाक्य निर्वचन निरुपण‎ सोहळ्यात सहभागी होण्यासाठी‎ पंजाब, हरियाणा, दिल्ली येथील‎ महानुभाव अनुयायी दाखल होत‎ आहे. तीन हजार संत, महंत व‎ भिक्षुकांसाठी करण्यात आलेल्या‎ निवास व भोजनाच्या व्यवस्थेत‎ दररोज भर पडत आहे.‎ आयोजकांच्या वतीने नव्याने निवास‎ व्यवस्था वाढवलेली आहे.‎

महाराष्ट्र अधिकरण आचार्य प्रवर‎ श्री भास्कर बाबा महानुभाव हे‎ अखंडित महावाक्य निरुपण करीत‎ आहेत. १५ फेब्रुवारीपर्यंत आयोजित‎ करण्यात आलेल्या या सोहळ्याचा‎ प्रारंभ १४ जानेवारीला करण्यात‎ आला. दररोज सकाळ, दुपार व‎ संध्याकाळ आयोजित या‎ सोहळ्याला राज्यभराच्या‎ कानाकोपऱ्यातून संत महंत व भीक्षुक‎ सहभागी होत आहे. महावाक्य‎ पोथीचे मोठ्या श्रध्देने श्रवन‎ करण्यासाठी भाविकांची ही‎ उपस्थिती लक्षणीय ठरत आहे.‎ दररोज तीन हजार भाविकांच्या‎ भोजनाची व निवासाची व्यवस्था‎ करण्यासाठी परिसरातील महानुभाव‎ अनुयायी आपली सेवा प्रदान करत‎ आहे. या कार्यक्रमाचे आयोजन महंत‎ अचलपूरकर बाबा, देपेराज बाबा‎ पंजाबी, विजयराज पंजाबी, गोवर्धन‎ अंकुळनेरकर यांनी केले आहे.‎