आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पत्रकार‎ मेळावा‎:वरुड येथे आज जिल्हास्तरीय पत्रकार‎ मेळावा तथा पुरस्कार वितरण साेहळा‎

शेंदुरजनाघाटएका महिन्यापूर्वी
  • कॉपी लिंक

‎ मराठी पत्रकारितेचे जनक बाळशास्त्री‎ जांभेकर यांच्या जयंतीचे औचित्य साधून‎ ऑरेंज सिटी मराठी संपादक व पत्रकार‎ सोसायटी वरुड व इन्स्टिट्यूट ऑफ‎ स्टडीज महाविद्यालय (जनसंवाद व‎ पत्रकारिता विद्या विभाग) यांच्या संयुक्त‎ सहकार्याने शनिवारी (दि. ७) वरुड‎ येथील अष्टविनायक सभागृह येथे पत्रकार‎ स्व. नेमीचंदजी शाह स्मृती जिल्हास्तरीय‎ पत्रकार मेळावा तथा पुरस्कार वितरण‎ समारंभाचे सकाळी अकरा वाजता‎ आयोजन करण्यात आले आहे.‎

समारंभाचे उद््घाटन खासदार डॉ.‎ अनिल बोंडे यांच्या हस्ते होणार असून,‎ कार्यक्रमाच्या अध्यक्षस्थानी खासदार‎ रामदास तडस असतील. विशेष अतिथी‎ म्हणून आमदार देवेंद्र भुयार, माजी‎ आमदार नरेश चंद्र ठाकरे, माजी केंद्रीय‎ मंत्री सुबोध मोहीते उपस्थित राहतील.

या‎ प्रसंगी संत गाडगेबाबा अमरावती‎ विद्यापीठ आजीवन अध्ययन आणि‎ विस्तार विभागाचे संचालक डॉ. श्रीकांत‎ पाटील प्रमुख वक्ते म्हणून उपस्थित‎ राहतील. कार्यक्रमाला आमदार अ‍ॅड.‎ किरण सरनाईक, आमदार डॉ. रणजित‎ पाटील, ताज खाँ, शैलेश अग्रवाल,‎ गिरीश कराळे, राजेंद्र आंडे, विक्रम‎ ठाकरे, वरुड युवा व्यापारी संघाचे अध्यक्ष‎ लोकेश अग्रवाल यांची प्रमुख उपस्थिती‎ राहील. या प्रसंगी विविध क्षेत्रात‎ उल्लेखनीय कामगिरी केलेले नरेंद्र‎ खंडेलवाल, मोरेश्वर वानखडे, डॉ. भुषण‎ खोले, रामदास कडू, संजय खासबागे,‎ प्रवीण कुंडलकर, धैर्य आजनकर, रुहीका‎ वडवाले, गार्गी भोंडे, चंद्रकांत भड यांचा‎ मान्यवरांच्या हस्ते सत्कार करण्यात येणार‎ आहे. मोठ्या संख्येने नागरिकांनी‎ कार्यक्रमाला उपस्थित राहण्याचे आवाहन‎ आयोजकांच्या वतीने करण्यात आले‎ आहे.‎

बातम्या आणखी आहेत...