मिळाला बहुमान‎:शिवाजी’ चे डॉ. पंकज‎ मालपुरेंना राष्ट्रीय पुरस्कार‎

येथील श्री शिवाजी विज्ञान‎ महाविद्यालयाच्या विविध यशामध्ये पुन्हा‎ एक भर पडली आहे. महाविद्यालयाच्या‎ पदार्थविज्ञान विभागातील प्राध्यापक डॉ.‎ पंकज नागपुरे यांना राष्ट्रीय स्तरावरील‎ मानाचा समजला जाणारा ‘इंडियन‎ असोसिएशन ऑफ फिजिक्स‎ टीचर्स-दिनबंधू साहू स्मृती पुरस्कार’ प्राप्त‎ झाला आहे. राज्यातील एखाद्या‎ महाविद्यालयाच्या प्राध्यापकाला प्रथमच‎ हा पुरस्कार मिळाला असून, यापूर्वी हा‎ पुरस्कार प्राप्त करणारे सर्व प्राध्यापक‎ आयआयटीसारख्या नामवंत संस्थांमधील‎ शिक्षक आहेत.

पदवी स्तरावरील आपल्या‎ प्रयोगशील अध्यापन, नावीन्यपूर्ण कृती‎ युक्त अभ्यासक्रम आणि समाजोपयोगी‎ संशोधन अशा तिन्ही पातळ्यांवर अमूल्य‎ योगदानामुळेच त्यांनी आपले नाव या‎ पुरस्कारावर कोरले आहे.‎ पाटलीपुत्र विद्यापीठ, पटेना (बिहार) येथे‎ आयोजित इंडियन असोसिएशन ऑफ‎ फिजिक्स टीचरेस (आयएपीटी) या‎ नामांकित संस्थेच्या वार्षिक संमेलनात‎ पद्मश्री प्रा. एच. सी. वर्मा यांच्या शुभहस्ते‎ त्यांना हा पुरस्कार प्रदान करण्यात आला.‎ आयसीटी ही राष्ट्रीय स्तरावरील‎ भौतिकशास्त्र शिक्षक संघटना आहे. संपूर्ण‎ देशात विविध शैक्षणिक कार्यक्रम आणि‎ उपक्रम राबवून भौतिकशास्त्र अध्यापन‎ आणि भौतिकशास्त्र शिक्षकांचा स्तर‎ वृद्धिंगत करण्याचे काम ही संस्था करित‎ आहे. महाविद्यालयाच्या उपक्रमशील‎ अध्यापन पद्धतीचे द्योतक संपूर्ण‎ समाजापर्यंत या निमित्ताने पोचल्या ची‎ गौरव भावना महाविद्यालयाचे प्राचार्य डॉ.‎ जी. व्ही. कोपरे यांनी यावेळी व्यक्त केली.‎

या पुरस्काराच्या निमित्ताने श्री शिवाजी‎ शिक्षण संस्थेचे सर्व सन्माननीय कार्यकारी‎ सदस्य, आजीवन सभासद,‎ महाविद्यालयाच्या अंतर्गत गुणवत्ता हमी‎ कक्षाचे समन्वयक डॉ. बर्डे यांच्यासह‎ महाविद्यालयाचे सर्व विभागप्रमुख,‎ प्राध्यापक, पालक, विद्यार्थी यांनी डॉ.‎ नागपुरे यांचे कौतुक आणि अभिनंदन केले‎ आहे.‎ एका राष्ट्रीय संस्थेद्वारे हा पुरस्कार जाहीर‎ झाल्याबरोबर श्री शिवाजी शिक्षण संस्थेचे‎ अध्यक्ष हर्षवर्धन देशमुख यांनी डॉ. नागपुरे‎ यांचे कौतुक करीत संस्थेच्या इतर‎ प्राध्यापकांसाठी ही प्रेरणादायक उपलब्धी‎ असल्याचे म्हणत त्यांचे विशेष‎ अभिनंदन केले