सत्कार:डॉ. पंजाबराव देशमुख यांचे 125 वे जयंती वर्ष‎ शासन साजरे करणार; उपमुख्यमंत्र्यांची घोषणा‎

डॉ. पंजाबराव उपाख्य‎ भाऊसाहेब देशमुख यांनी‎ शिक्षण, शेती, समाजप्रबोधन‎ या क्षेत्रात दीपस्तंभासारखे कार्य‎ केले. भाऊसाहेबांनी‎ मागासवर्गीय, शेतकरी,‎ शेतमजूर यांच्या शाश्वत‎ विकासासाठी राबवलेल्या‎ संकल्पनेवरच शासनाची‎ वाटचाल सुरू राहील अशी‎ ग्वाही देतानांच या महान,‎ दूरदर्शी व द्रष्ट्या नेत्याला‎ आदरांजली म्हणून त्यांचे १२५‎ वे जयंती वर्ष शासनाद्वारे साजरे‎ करण्यात येईल, अशी घोषणा‎‎‎‎‎‎‎‎‎‎‎‎ उपमुख्यमंत्री देवेंद्र फडणवीस‎ यांनी सोमवारी अमरावतीत‎ केली.‎ श्री शिवाजी शिक्षण‎ संस्थेद्वारे डॉ. पंजाबराव‎ देशमुख वैद्यकिय‎‎‎‎‎‎‎‎‎‎‎‎ महाविद्यालयाच्या सभागृहात‎ शिक्षणमहर्षी डॉ. पंजाबराव‎ देशमुख यांच्या ५८ व्या‎ पुण्यतिथी निमित्त आयोजित‎ कार्यक्रमात ते बोलत होते.‎

याप्रसंगी शिवाजी शिक्षण‎ संस्थेचे अध्यक्ष हर्षवर्धन‎ देशमुख, खा. डाॅ. अनिल बोंडे,‎ खा.नवनीत राणा, आ. सुलभा‎ खोडके, आ. प्रवीण पोटे,‎ आ.परिणय फुके, आ.श्वेता‎ महाले, आ.प्रा.अशोक उईके,‎ संस्थेचे कोषाध्यक्ष दिलीप‎ इंगोले, नागपूरचे माजी महापौर‎ संदीप जोशी उपस्थित होते.‎ श्री शिवाजी शिक्षण संस्थेने‎ ५० लाखाच्या बसची मागणी‎ केली आहे. यासाठी‎ डीपीसीतून निधी द्यावा, अशी‎ मागणी खा. नवनीत राणा यांनी‎ केली. संचालन प्रा. किशोर‎ फुले तर आभार प्रदर्शन दिलीप‎ इंगोले यांनी केले.‎